Ikaal 11:14 - Uwumbɔr aagbaŋ

¹⁴ Ni yaa ŋa kina kan, u ga cha utaal nu kitiŋ ngbaan pu, le ni yaa ti ŋeer unaalan, ni linimoogaal aayoonn kan, u ga cha utaal nu. Nima kan, ni ga li kpa njikaabim, ni ŋisubil aadaan, ni olif aakpan sakpen.

Ikaal 11:14 ပူးပေါင်းရင်းမြစ်များ

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 5:24

Naa ŋa nlandak daalbaadaal ke ni nyuŋ mi, hali maah tii nimi useetaal ni utakuutaal mɔmɔk pu, ki tii nimi lijikaacheel aayoonn pu libiln mɔmɔk na, naa nyuŋni mi.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Liifai Yaab 26:3

“Ni yaa bi maakaal aah mɔk nimi pu na, ki kii maah len pu na mɔmɔk kan,

Liifai Yaab 26:4

m ga cha utaal nu waayoonn, nima kan, kitiŋ ngbaan ga ŋa tijikaar, le isui mu ga lu ŋisubil.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Lituln 14:17

N‑yoonn mɔmɔk u mu ŋani nimi tiŋann, ki tii nimi utaal, ki cha tijikaar ŋani, ki kpiini nimi, ki cha ni kpa mpopiin, u mɔk nimi ke u bi.”

Ikaal 28:12

U ga cha utaal nyan ni paacham ki nan nu n‑yoonn mu ŋeer na, le nimi aatiŋ ga ŋa tijikaar pam, nima kan, ni ga pinn tii ŋinibol pam, le nimi ma aan buen bi chee ke ni ti pinn nibaa.

Jemisi 5:7

Nnaabitiib, nima pu na, ni li kpa limɔr ki ti saa bundaln Tidindaan ga gir ni na. Lik man, ukpaal aah kpa limɔr pu ki kii buyoonn waasaak ga nan ŋa tijikaar nyaan na. U kpa limɔr ki kii unaalantaal ni utakuutaal aah ga nan nu pu na.