Ikaal 11:13 - Uwumbɔr aagbaŋ

¹³ “Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 11:13 ပူးပေါင်းရင်းမြစ်များ

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 119:4

Uwumbɔr, aa di saakaal tii timi le ki mɔk timi ke ti li dii i mbamɔm.

Jeremia 17:24

“Bui binib ngbaan ke ni ye baatuln le ke bi kii maabɔr mɔmɔk. Likpaakool daal kan, bi taa tu lituln libaa ki dii kitiŋ kee aabisamɔi koo ki ponn ni. Bi li joo Likpaakool daal ke mu ye nwinyaan daal, ki taa tun lituln libaa.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Liifai Yaab 26:3

“Ni yaa bi maakaal aah mɔk nimi pu na, ki kii maah len pu na mɔmɔk kan,

Liifai Yaab 26:4

m ga cha utaal nu waayoonn, nima kan, kitiŋ ngbaan ga ŋa tijikaar, le isui mu ga lu ŋisubil.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 11:1

“Ni li gee Nidindaan Uwumbɔr, ki li joo waakaal n‑yoonn mɔmɔk.

Ikaal 11:22

“Ni li nyi ki li joo ikaal i mɔmɔk m di mɔk nimi na mbamɔm. Ni li gee Nidindaan Uwumbɔr, ki ŋa waakaal aah mɔk nimi pu na, ki li dii uma baanja.

Ikaal 11:8

“Ni li joo waakaal i mɔmɔk m di mɔk nimi din wee na mbamɔm. Nima kan, ni ga ŋmaa puur limɔɔl aan ki ti gaa kitiŋ ki ni chaa koo ki ponn ni na.

Ikaal 28:1

“Ni yaa kii Nidindaan Uwumbɔr aamɔb, ki joo waakaal i m joo tuk nimi din wee na mbamɔm kan, u ga ŋa nimi litimbokpaan ki jer ŋimɔk bi dulnyaa wee ni na.

Ikaal 4:29

Nima chee le ni ga lik ki ban Nidindaan Uwumbɔr, le ni yaa di nisui mɔmɔk ban u kan, ni ga kan u.

Ikaal 6:17

Ni li nyi ki li joo ikaal imɔk u di tii nimi na.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.