Ikaal 10:8 - Uwumbɔr aagbaŋ

⁸ Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 10:8 ပူးပေါင်းရင်းမြစ်များ

1 Bibɔrb 8:6

Le bitotoorb nin yoor Nkaal Aadakaa ngbaan di koon Chain Chain Aapepel ni, ki ti di u siin tiwan ni kpa ifeen na aataab, Uwumbɔr Aadichal ni.

1 Bibɔrb Aabɔr 15:2

le ki bui ke, “Liifai yaab baanja le ga tun Uwumbɔr Aakaal Aadakaa ngbaan, bima le Uwumbɔr nan lee ke bi li tui ki tun waatuln ki ti saa n‑yoonn mu kaa kpa ndoon na.”

1 Bibɔrb Aabɔr 15:26

Bi nan kɔr inaaja ilole, ni ipiih ilole, Uwumbɔr aah ter Liifai yaab bi tu Nkaal Aadakaa ngbaan na pu na.

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

1 Bibɔrb Aabɔr 23:26

Kina pu na, Liifai yaab aan ki li chuun tu Uwumbɔr Aabool, ni tiwan ni ti joo dooni u na.”

2 Bibɔrb Aabɔr 29:11

Njapɔtiib, taa taan man. Nimi le Uwumbɔr lee ke ni li seer tulalee aayon tii u, ki li lolni binib nsan waadoon ni.”

2 Bibɔrb Aabɔr 30:27

Bitotoorb ni Liifai yaab nan mee Uwumbɔr aanyoor ŋa binib ngbaan pu. Le Uwumbɔr nan bi udo paacham ki ŋun baah mee u pu na le ki kii ŋi.

Ilahn 134:1

Nimi Uwumbɔr aatutum mɔmɔk, dan ki nan pak u man, nimi bi mɔmɔk dooni u Waadichal ni kinyeek na, dan nan pak u man.

Ilahn 134:2

Yoor niŋaal paacham Waadichal ni, ki mee uma Uwumbɔr ki pak u man.

Ilahn 135:2

Nimi bi si Tidindaan Uwumbɔr Aadichal ni na, pak u man.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Esekiel 44:11

Bi ga ŋmaa li yeh Maadichal aabisamɔi, ki tun Lidichal ngbaan ponn ni aatun ŋiken ke maatutum na. Bi ga ŋmaa kɔr tiwakor ti binib joo ni bi nan toor kitork ki bi joo seer mmii ni na, ni titoor tiken, ki li ka binib aatuln pu.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Liifai Yaab 8:9

U nan di likekeln jib uyil, le ki di Uwumbɔr aasalmaa aawanyaan ni mɔk ke uma Uwumbɔr le lee u na buu tam likekeln ngbaan aayigbeer pu, Uwumbɔr aah nan tuk u pu na.

Liifai Yaab 9:22

N‑yoonn mu Aaronn toor kitork mɔmɔk doo na, le u yoor uŋaal paacham ki toŋ binib ngbaan wɔb, ki mee Uwumbɔr, u ŋa tinyoor ŋa bi pu, le ki nin sunn ni.

Nkahm 3:31

Bima le nan lik Uwumbɔr Aakaal Aadakaa, ni teebul, ni baah joo karyaa tiib chɔŋni tiwan ni pu na, ni kitork aabimbin, ni ŋisambil ŋi bitotoorb joo tun lituln Chain Aapepel ni na, ni likekeln li bii Chain Chain Aapepel aabisamɔb na. Bima le nan tun tiwan ngbaan mɔmɔk aatuln.

Nkahm 3:6

“Li joo ni Liifai aanibol ki nan di bi tii Aaronn u ye utotoor na, bi li ter u.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Lituln 13:2

Le bi mɔmɔk dooni Uwumbɔr ki lul bumɔb. Baah ŋani kina na, le Uwumbɔr Aafuur Nyaan tuk bi ke bi nya Banabas ni Sɔɔl bi ti tun waah siin bi lituln li na.

Rom Yaab 1:1

Min Pɔɔl le ŋmee kigbaŋ kee. M ye Yesu Kristo aatutunn la. Uwumbɔr nan yin mi ke m li ye Yesu aakpambal, ki nyan mi ke m moon waabɔnyaan tee.

Rom Yaab 12:7

Uken aapiin yaa ye Uwumbɔr aatuln kan, u li tun lituln ngbaan. Uken yaa ŋmaa mɔk binib Uwumbɔr aabɔr kan, u li mɔk bi.

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Galantiya 1:15

Uwumbɔr aanimbaasaln pu, le u lee mi buyoonn baa nan kee ma mi na, le ki yin mi ke m dii u.

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 18:5

Uwumbɔr le nyan nimi aanibol ponn ni Liifai yaab, ke bi li ye waatotoorb ki cha n‑yoonn mu kaa kpa ndoon na.

Ikaal 21:3

Biyidam bi aatiŋ aa daa linikpol ngbaan aah dɔ nin chee na ban unaasal u baa kee di u tun lituln na.

Ikaal 21:5

Liifai aanib bi ye bitotoorb na mu li bi nima chee, ba pu? bima le ga ŋmaa len kina aakun aabɔr. Nidindaan Uwumbɔr le nyan bi ke bi li tun waatuln, aan ki li joo waayimbil ŋani tinyoor ŋani binib pu.

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.