Ikaal 10:22 - Uwumbɔr aagbaŋ

²² N‑yoonn mu niyaajatiib nan buen Ijipt aatiŋ ni na, bi nan ye binib imonko itaa ni kipiik baanja la, le dandana wee, Nidindaan Uwumbɔr cha ni wiir sakpen ke iŋmabi i bi kitaapaak na.

Ikaal 10:22 ပူးပေါင်းရင်းမြစ်များ

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 46:26

Le Jakob aamaal bimɔk nan dii u buen Ijipt na nan ye imonko itaa ni biloob, le ujapɔtiib aapuutiib mu bi ki kpee.

Mpiin 46:27

Josef aah nan ma mbim bilee bi Ijipt aatiŋ ni na yaa kpee kan, Jakob aamaal kpaan imonko itaa ni kipiik le nima chee.

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Nnyam 1:5

Bi mɔmɔk nan kpaan ki ti saa binib imonko itaa ni kipiik, le ki nyan ni Jakob aamaal ni. Ujapɔɔn Josef ma nan puun bi Ijipt aatiŋ ni.

Nkahm 26:51

Baah nan kahn Israel yaab aajab n‑yoonn ngbaan na, bi mɔmɔk nan ti kpaan ŋichur ikui iloob ni libaa, ni ikui ilole ni piitaa la.

Nkahm 26:62

Baah nan kahn Liifai yaab aabijabim bi nan saa uŋmal ubaa ki jer na, bi nan ti saa ŋichur moninko ni ŋitaa la. Bi nan kahn bi bibaa la, baa nan di bi kpaan Israel yaab biken chee, ba pu? baa nan yakr kitiŋ tii bi ke baah nan tii Israel yaab biken pu na.

Lituln 7:14

le ki tun bi ute Jakob chee, ke bi ti yin ni u ni waamaal mɔmɔk, bi dan u chee Ijipt aatiŋ ni. Bi nan ye binib imonko itaa ni kipiik ni biŋmu la.

Ikaal 1:10

Nidindaan Uwumbɔr cha ni pɔr ki wiir ke iŋmabi i bi paacham na.

Ikaal 1:11

Uwumbɔr, u ye niyaajatiib Aawumbɔr na, le cha ni moo pɔr ŋichur ŋichur ki jer naah bi pu na, aan ki kan tinyoor ke waah nan puu pu na.

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.

Ikaal 28:62

Naah wiir ke iŋmabi na, ni ga ti gur siib la, ba pu? ni yii Nidindaan Uwumbɔr aamɔb.

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.