Ikaal 10:21 - Uwumbɔr aagbaŋ

²¹ Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Ikaal 10:21 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

Ilahn 109:1

Uwumbɔr, m pak si la, taa li ŋmin.

Ilahn 145:6

Binib ga len saah tun ŋitukpaan ŋi na aabɔr, le m ga moon saah kpa mpɔɔn sakpiin mu na.

Ilahn 148:14

U nan gee waatimbol Israel yaab pam ki tii bi mpɔɔn, nima pu le bi pak u. Pak Uwumbɔr man.

Ilahn 22:3

Le aa ka libɔrjal pu ki bi chain, sin le ye Uwumbɔr u Israel yaab pak u na.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 34:10

Uwumbɔr nan ki bui Moses ke, “M ki puu tipuur Israel yaab chee la. M ga ŋa lijinjiir aatuln li kaa kee ŋa dulnyaa wee ni na, binimbil ni. Le binib mɔmɔk ga kan litukpaan li min Uwumbɔr ga ŋmaa ŋa na; ba pu? m ga ŋa lijinjiir aawan tii nimi.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Aisaya 64:3

N‑yoonn mubaa aa nan sunn ni ki nan ŋa lijinjiir aawan ni taa nan dak ni pu na; ŋijoo nan kan si le ki san ijawaan ki dam.

Jeremia 17:14

Uwumbɔr, tii mi laafee aan m pɔɔk kookoo; gaa mi lii aan m kan limɔfal. Sin le m pak.

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Josua 24:18

Taah nan tur koo kitiŋ kee ni na, Uwumbɔr jenn nyan Amor yaab bimɔk nan bi do na, kina pu na, ti ga dii Uwumbɔr la, uma le ye Tidindaan.”

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

1 Samuel 12:24

Kii tii Uwumbɔr man, ki di gaakii, ni nisui mɔmɔk tun tii u. Teer man litusakpeln li u tun tii nimi na.