Ikaal 10:20 - Uwumbɔr aagbaŋ

²⁰ Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 10:20 ပူးပေါင်းရင်းမြစ်များ

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

Ilahn 63:11

Uwumbɔr aah tii ubɔr linyaŋ pu na, le u ga li mɔɔni. Binib bi puur tipuur Uwumbɔr aayimbil pu na ga pak u, le binyamɔndam ma aamɔi ga ŋmin.

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Aisaya 45:23

Maah puu tipuur ti na gbii, kaan kpeln daalbaadaal. M sil puu mbaa pu ke: Unibɔn mɔmɔk ga dan nan gbaan nnimbiin ni, ki puu ke waan nyan mpuwɔb daalbaadaal.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Tibɔnyaan ti Luk ŋmee ti na 4:8

Le Yesu bui ki ke, “Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Ikaal 11:22

“Ni li nyi ki li joo ikaal i mɔmɔk m di mɔk nimi na mbamɔm. Ni li gee Nidindaan Uwumbɔr, ki ŋa waakaal aah mɔk nimi pu na, ki li dii uma baanja.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 30:20

Ni li gee Nidindaan Uwumbɔr, ki kii tii u, ki li dii u mbamɔm. Le nimi ni niyaabitiib ga ti li bi waah nan puu tipuur ke u ga di kitiŋ ki tii niyaajatiib Abraham, ni Aisak, ni Jakob na ponn ni, ki yunn.”

Ikaal 4:4

le nimi bi nan dii Nidindaan Uwumbɔr na ma laa beenin bi limɔfal ni, ki nan saa din.

Ikaal 5:11

“‘Ni taa yin maayimbil fam fam; min Nidindaan Uwumbɔr ga daa unii u yin maayimbil fam fam na aatafal.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Josua 23:8

Ni tee li dii Uwumbɔr mbamɔm, ke naah gaa u ki kii ki nan saa dandana wee pu na.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”