Ikaal 10:2 - Uwumbɔr aagbaŋ

² Dan m chee lijool paab, aan m nan ki ŋmee ŋitakpapapan ngbaan pu, ke maah nan ŋmee ŋima na pu, aan aa di lii wii na, aan aa di ŋi ŋa dakaa ngbaan ni.’

Ikaal 10:2 ပူးပေါင်းရင်းမြစ်များ

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

2 Bibɔrb Aabɔr 5:10

Ŋitakpapapan ŋilee ŋi Moses nan gaa Sainai Aajool paab ki di ŋa u ponn ni na baanja le nan bi Nkaal Aadakaa ngbaan ni, nibaa aa nan ki bi u ni ki kpee. Israel yaab aah nan nyan ni Ijipt aatiŋ ni aan Uwumbɔr ni bima nan ŋa kimɔbaan Sainai Aajool chee na, le Moses nan ŋmee kimɔbaan ngbaan ŋitakpan na pu ki di ŋi ŋa Dakaa ngbaan ponn ni.

Nnyam 32:19

N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Nnyam 40:20

Le u di ŋitakpapapan ŋilee na ki di ŋa Uwumbɔr Aakaal Aadakaa ni. U nan di ŋidabil na ki di bɔn ibuen i dab baa dakaa ngbaan pu na, li ki di waabiil biin u pu.

Ikaal 10:5

le m fenn ki sunn ni lijool ngbaan taab. Uwumbɔr aah nan bui mi pu na, m nan di ŋi ŋa dakaa ngbaan ni, le ŋi beenin bi u ponn ni, ki nan saa din wee.”

Ikaal 4:13

U nan tuk nimi naah ga ŋa pu aan ki li joo waah nan puu tipuur ti tii nimi na pu na; ke ni pɔɔn nibaa ki kii tii ikaal kipiik i u nan ŋmee paan ŋitakpal ŋilee pu na.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.