Ikaal 10:17 - Uwumbɔr aagbaŋ

¹⁷ Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Ikaal 10:17 ပူးပေါင်းရင်းမြစ်များ

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Aisaya 37:16

“Uwumbɔr Mpɔɔnsakpiindaan, timi Israel yaab Aadindaan u ka waabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Aa naan taab ni paacham.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Tibɔnyaan ti Mak ŋmee ti na 12:14

Baah fuu ni u chee na, le bi bui u ke, “Umɔmɔkr, ti bee ke aa len mbamɔn la, kaa san ubaa ijawaan, kaa pak ubaa ki jer uken. Aa mɔk timi Uwumbɔr aasan mbamɔm la. Ni ŋan ti pa lampoo tii Ubɔrkpaan Siisa aan naa ŋan? Ti pa aan ti taa pa?”

Lituln 10:34

Le Piita bui bi, “M bee ke ni ye mbamɔn ke Uwumbɔr aa pak ubaa ki jer uken. U po pak ti mɔmɔk la.

Rom Yaab 2:11

ba pu? Uwumbɔr aa pak ubaa ki jer uken.

Galantiya 2:6

Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Efesusi 6:9

Dindatiib, ni mu li ŋani nimi aanaagbiib mbamɔm, ki taa faani bi, ki li nyi ke ni ni nimi aanaagbiib kpaan Dindaan baan le paacham. Uma aa pak ubaa ki jer uken.

Ikaal 1:17

Ni taa li kpa imaagann nimi aabɔjil ni, ni li dii nsanbaan ki toor ugiin ni uwankpadaan mɔmɔk aabɔr. Taa san ubaa ijawaan, Uwumbɔr le ga tii nimi nlan le ni len ibamɔn. Tibɔr ti jer nimi aapɔɔn na kan, ni li joo ni ti m chee, aan m nan toor ti.’

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 27:25

“‘Uwumbɔr aamɔpuur bi unii umɔk loon gaa ŋimombil ki ku unii u kaa kpa taani na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Kolosiya 3:25

Unii umɔk tun lituln li kaa ŋan na, Uwumbɔr ga daa utafal waah ŋeer pu na. Uwumbɔr aa pak ubaa ki jer uken.

1 Timoti 6:15

Ni yaa nan ŋeer kan, Uwumbɔr ga cha u gir ni. Uwumbɔr u ti pak u na, uma baanja le ye tiwan mɔmɔk Aayidaan. U ye bibɔrb mɔmɔk Aabɔr, ki ye dindatiib mɔmɔk Aadindaan.

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”