Ikaal 1:8 - Uwumbɔr aagbaŋ

⁸ Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 1:8 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Nnyam 33:1

Uwumbɔr nan bui Moses ke, “Fii do, aa ni binib bi aa nyan ni bi Ijipt aatiŋ ni na, ki li cha kitiŋ ki m puu tii Abraham, ni Aisak, ni Jakob, ni biyaabitiib na ni.

Jeremia 32:22

Aa nan tii bi kitiŋ kimina, kitiŋ ki nyuun ki kpa liwangol na, ke saah nan puu tii biyaajatiib pu na.

Esekiel 47:14

M nan puu tipuukpaan tii niyaajatiib ke m ga di kitiŋ kimina tii bi; tɔ, yakr ki dee dee tii tɔb man.

Nkahm 14:23

Maah puu ke m ga di kitiŋ ki tii biyaajatiib na, baan koo ki ni kpala. Binib bimɔk yii mi na aan koo ki ni.

Nkahm 32:11

‘M puu ke naah kaa si nchaŋ ni mbamɔm na, nimi bijab bi ye ŋibin moninko ki jer na ki nan nyan ni Ijipt aatiŋ ni na, naan koo kitiŋ ki m nan puu ke m ga di tii Abraham, ni Aisak, ni Jakob na ni.’

Ikaal 1:11

Uwumbɔr, u ye niyaajatiib Aawumbɔr na, le cha ni moo pɔr ŋichur ŋichur ki jer naah bi pu na, aan ki kan tinyoor ke waah nan puu pu na.

Ikaal 1:35

‘Maah puu ke m ga di kitinyaan ki tii niyaajatiib na, nimi titunwanbir aanib bimina ubaa aan koo ki ponn ni,

Ikaal 10:11

U nan bui mi ke m sunn ni, ki nan loln ni pu nsan, aan ni ŋmaa buen ti gaa kitiŋ ki u nan puu ke u ga di tii niyaajatiib na.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Ikaal 11:9

Le ni ga li bi kitiŋ ki kpa tiwakor aamoŋmɔpaan ni ŋisubil sakpen na ni, aan Uwumbɔr nan puu ke u ga di tii niyaajatiib, ni biyaabitiib na pu.

Ikaal 2:29

aan ki ti puur Jɔɔdann Aamɔɔl, ki koo Tidindaan Uwumbɔr aah ban u di kitiŋ ki tii timi na ni. Esɔ aayaabitiib bi koo Edom aatiŋ ni na, ni Moab yaab bi koo Ar aatiŋ ni na, kii tii timi, le ti dii baapepel ni ki jer.’

Ikaal 26:15

Saah bi nin chee paacham ni bi chain na, lik ni saanib Israel yaab ki ŋa bi tinyoor, ki ŋa tinyoor ŋa kitiŋ ki kpa tiwakor aamoŋmɔpaan ni ŋisubil sakpen na ki aa di tii timi na, ke saah nan puu tipuur tii tiyaajatiib pu na.’

Ikaal 26:3

Ni buen utotoor u bi lituln ni liyaadaal ngbaan na chee, ki ti bui u ke, ‘Dandana wee m bee ke Nidindaan Uwumbɔr le joo ni mi kitiŋ ki u nan puu tipuur tii tiyaajatiib ke u ga di tii timi na ni.’

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 29:12

Din wee, ni mɔmɔk si do ke ni kii tii Nidindaan Uwumbɔr aah ban u puu tipuur ti tii nimi na la, aan ki gaa ti.

Ikaal 30:20

Ni li gee Nidindaan Uwumbɔr, ki kii tii u, ki li dii u mbamɔm. Le nimi ni niyaabitiib ga ti li bi waah nan puu tipuur ke u ga di kitiŋ ki tii niyaajatiib Abraham, ni Aisak, ni Jakob na ponn ni, ki yunn.”

Ikaal 31:7

Moses nan yin Josua siin ni binib ngbaan mɔmɔk aanimbiin ni ki bui u ke, “Aa nya sil, ki li kpa lipobil. Sin le ga loln binib ngbaan pu nsan, aan ni gaa kitiŋ ki Uwumbɔr nan puu tipuur ke u ga di tii niyaajatiib na.

Ikaal 34:4

Le Uwumbɔr bui Moses ke, “Kitiŋ kee le m nan puu tii Abraham, ni Aisak, ni Jakob, ke m ga di ki tii biyaabitiib na. M cha aanimbil le kan ki, maan cha aa koo ki ni.”

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 6:10

“Nidindaan Uwumbɔr aah nan puu tipuur ti tii niyaajatiib Abraham, ni Aisak, ni Jakob pu na, u ga di kitiŋ ki kpa ntisakpem mu wiir, ki kpa liwangol, aan naa maa mu nibaa na, tii nimi.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 8:1

“Ni li keei tii ikaal imɔk m di mɔk nimi din aataak kee na mbamɔm, nima kan, ni ga li kpa limɔfal, ki maa mbim, ki pɔr sakpen, aan nima kan, ni ga ŋmaa gaa kitiŋ ki Uwumbɔr puu ke u ga di tii niyaajatiib na.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

Hiibru Yaab 6:13

Uwumbɔr aah puu tipuur ki tii Abraham na, u nan puu uma ubaa aayimbil pu la. Ubaa aa bi ki jer u, ke u puu waayimbil, nima le cha u puu uma ubaa aayimbil.

Hiibru Yaab 6:14

U nan puu tipuur le ki bui Abraham, “M ga ŋa tinyoor ŋa aa pu pam, ki cha aa pɔr sakpen.”

Josua 1:6

Pɔɔn aabaa ki li kpa lipobil, sin le ga loln binib ngbaan pu nsan, le bi gaa kitiŋ ki m nan puu ke m ga di ki tii biyaajatiib na.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.