Ikaal 1:7 - Uwumbɔr aagbaŋ

⁷ Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Ikaal 1:7 ပူးပေါင်းရင်းမြစ်များ

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

2 Samuel 8:3

U nan nyaŋ Siria aatiŋ ki bi yin ki ke Soba na aabɔr Hadadeser u ye Rehob aajapɔɔn na. Hadadeser aah nan cha u ti gaa Yufrates aapaacham aapepel buyoonn na, le u nan ti nyaŋ u.

1 Bibɔrb Aabɔr 18:3

U nan nyaŋ Siria aatiŋ ki bi yin ki ke Soba aan ki bi gbɔk Hamaf aapepel na; ba pu? kaabɔr Hadadeser nan bi pɔɔni ubaa ke u gaa lipepel li bi Yufrates aapaacham na la.

1 Bibɔrb Aabɔr 5:9

Bi nan kpa tiwakor sakpen Gilead aatiŋ ni, le ki gaa kitiŋ ngbaan ki nyan nteersakpiin mu bi liwipuul wɔb ki ti saa Yufrates Aamɔɔl chee na.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Nkahm 10:12

Le Israel yaab nan piin lisachuln Sainai Aateersakpiin ni. Ntaalangbam ngbaan nan ti sil Parann Aateersakpiin ni la.

Ikaal 1:19

“Tidindaan Uwumbɔr aah nan bui ke ti ŋa pu na, ti nan ŋa kina. Ti nan fii Sainai Aajool chee, ki di bɔ dii ijawaan aateersakpiin ngbaan ni, le ki di buen Amor yaab aatiŋ ki ye ŋigongon na ni. N‑yoonn mu ti nan ti fuu Kades Banea aatiŋ ni na,

Ikaal 11:11

Ni yaa nan kon tijikaar nima chee kan, see ni pɔɔn nibaa ki lun nnyun gbir ti pu; tɔ, naah chaa koo kitiŋ ki ponn ni na, ki kpa ŋijoo, ni tifatann, le utaal ga nu ŋa nimi aajikaar pu.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Josua 1:4

Nimi aatinaanmɔk ga yoor ŋŋangii wɔb aateersakpiin ni, ki ti saa Lebanonn aajoo ŋi bi ŋŋangan wɔb na, ki ki yoor Yufrates Aamɔɔl mɔk, liwipuul wɔb, ki di bɔ dii Hef yaab aatiŋ ni, ki ti saa Kaasisik ni Aanyusakpem mɔk, liwilir wɔb.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”