Ikaal 1:44 - Uwumbɔr aagbaŋ

⁴⁴ Le Amor yaab bi ka ŋigongon ngbaan ni na fii lir ni pu ke inangbee na. Bi nan jenn nimi ki ti nyan Homa aatiŋ ni, le ki ti nyaŋ nimi, ŋigongon aatiŋ ki bi Edom aatiŋ ni na.

Ikaal 1:44 ပူးပေါင်းရင်းမြစ်များ

Ilahn 118:12

Bi nan san gonni mi ke inangbee na la, le bi mɔmɔk wun mala ke mmii aah wu ikokon pu na; m nan di Uwumbɔr aapɔɔn le doo bi.

Aisaya 7:18

“N‑yoonn ngbaan yaa nan fuu ni kan, Uwumbɔr ga foo ifoo le ki mɔk Ijipt yaab ke bi fii ni ke tisibir na ki nyan ni Nail aamɔɔpan mɔmɔk; le Asiria yaab mu ga fii nyan ni baatim ni ke inangbee na ki dan.

Nkahm 14:45

Nima chee le Amalek yaab ni Kanaann yaab bi koo nima na fii lir bi pu ki nyaŋ bi, le ki san dii bi kina ti nyan Homa aatiŋ ni.

Nkahm 21:3

Uwumbɔr nan ŋun baah mee u pu na, le ki ter bi, bi nyaŋ Kanaann yaab ngbaan. Nima pu na, Israel yaab nan kuln bi, ni baatim mɔmɔk pel pel, le ki yin nima chee ke Homa.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.