Ikaal 1:4 - Uwumbɔr aagbaŋ

⁴ Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Ikaal 1:4 ပူးပေါင်းရင်းမြစ်များ

Mpiin 14:5

Ŋibin kipiik ni ŋinaa ni, le ubɔr Kedolaomer, ni bibɔrb biken nan di baajab ti to ki nyaŋ Refa aanib bi nan bi Asterof Kanayim aatiŋ ni na, ni Sus aanib bi nan bi Ham aatiŋ ni na, ni Em aanib bi nan bi Kiriataim aafataŋ ni na,

Nehemia 9:22

Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Ilahn 135:11

u nan ku Amor yaab aabɔr Sihonn, ni Basann yaab aabɔr Og, ni Kanaann aatiŋ aabɔrb mɔmɔk.

Ikaal 1:5

Binib ngbaan aah nan bi Jɔɔdann aawipuul wɔb, ni bi Moab aapepel ni na, le Moses piin ki kpiir Uwumbɔr aakaal ngbaan aatataa mɔk bi.

Ikaal 2:26

“Kedemof aateersakpiin ni, le m nan tun ituun Hesbonn aabɔr u bi yin u ke Sihonn na chee, ki di nsuudoon aabɔr tee bui u ke,

Ikaal 3:1

“Ni paa na, ti nan di buen ŋŋangan wɔb, Basann aapepel ni, le ubɔr Og ni waajab mɔmɔk nyan ni ke bi nan faa timi butɔb, Edrei aatiŋ chee.

Ikaal 3:6

Ti nan bii ntim ngbaan mɔmɔk, ki ku binib bimɔk nan bi mu ni na; ti nan ku bijab, ni bipiib, ni mbim, ke taah nan ŋa Hesbonn aabɔr Sihonn ni waanib pu na.

Ikaal 4:47

Bi nan gaa waatiŋ ngbaan, ki kpee ubɔr Og u nan joo Basann aatiŋ na, u mu nan ye Amor yaab aabɔr, le ki bi Jɔɔdann aawipuul wɔb.