Ikaal 1:28 - Uwumbɔr aagbaŋ

²⁸ Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Ikaal 1:28 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Nnyam 15:15

Ijawaan nan chuu Edom aaninkpiib, le Moab yaab aayidam aawon gbaa, le Kanaann yaab aataakpab yɔl,

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Esekiel 21:7

Bi yaa baa si ke ba ŋa aa du kan, aa bui bi ke tibɔchann ti choo na pu le aa du. Ti yaa nan fuu ni kan, ijawaan ga gbiin bisui, biŋaal ga yɔl ki jɔnn, baajakaab ga wɔŋ, le bitaŋaayil ga li gbaa. N‑yoonn ngbaan fuu ni a; mu fuu ni do a.” Aadindaan Uwumbɔr le len kina.

Ikaal 1:29

“M nan bui nimi ke, ‘Ni taa li san binib ngbaan ijawaan.

Ikaal 2:10

Ŋiwɔk aanibol li bi yin li ke Em yaab na le nan koo Ar aatiŋ ni. Bi nan fɔk ke Anak yaab bi mu nan ye ŋiwɔk na la.

Ikaal 20:20

Isui i gur na, ni ga ŋmaa gaa yaadɔ ki di ter nibaa butɔb ngbaan ni, aan ki ti gaa kitiŋ ngbaan.

Ikaal 20:8

“Biyidam ga ki baa bijab ngbaan ke, ‘Ŋma bi do, upobil yuk aan ijawaan chuu u? Kina aanii yaa ŋmal ni ponn ni kan, u li chaa kun. Nibaakan, u ga cha biken mu aapobil yuk, le ijawaan ga chuu bi.’

Ikaal 7:17

“Ni taa len nibaa chee ke ŋinibol ngbaan wiir jer nimi, naan ŋmaa jenn nyan ŋi.

Josua 11:22

Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 14:8

Le bijab bi nan dii mi buen na aah nan len pu na cha ijawaan chuu timi aanib, le m ma nan kii Ndindaan Uwumbɔr aamɔb mbamɔm.

Josua 15:14

Kaleb nan jenn Anak aamaal mɔmɔk nyan kitiŋ ngbaan ponn ni, bi nan ye Sesai yaab, ni Ahimann yaab, ni Talmai yaab aanib la.

Josua 2:11

Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

Bibɔjirb 1:10

Bi nan buen ti tak Kanaann yaab bi koo Hebronn aatiŋ ki bi nan laa yin ki ke Kiriaf Aba na. Nima chee le bi nan nyaŋ Sesai, ni Ahimann, ni Talmai aataŋaal pu yaab.

Bibɔjirb 1:20

Moses aah nan len pu na, le bi nan di Hebronn aatiŋ tii Kaleb, le u jenn nyan Anak aayaabitiib aataŋaal itaa i bi ki ponn ni na.