Ikaal 1:25 - Uwumbɔr aagbaŋ

²⁵ Bi nan joo ni nima chee aasubil, le ki tuk timi ke Tidindaan Uwumbɔr aah ban u di kitiŋ ki tii timi na ŋan pam.

Ikaal 1:25 ပူးပေါင်းရင်းမြစ်များ

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nkahm 13:20

Ni lik ke tikpaatan nyuun aan taa nyuun, isui mu bi aan yaa bi. Ni pɔɔn nibaa ki li joo ni nima chee aasubil ki nan mɔk mi.” Ni nan ye buyoonn ndaan aasubil bi puir na la.

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Nkahm 14:7

Bi nan bui binib ngbaan ke, “Taah nan mann lik kitiŋ ngbaan mɔmɔk na, ki nan ŋan sakpen a.

Ikaal 1:24

Bi nan buen ŋigongon aatiŋ ngbaan ni, ki di kina ti ker Eskol aafataŋ ni, ki lik nima chee.

Ikaal 1:26

“Le ni yii Nidindaan Uwumbɔr aamɔb, kaa kii ke ni koo kitiŋ ngbaan ni.