Ikaal 1:16 - Uwumbɔr aagbaŋ

¹⁶ “N‑yoonn ngbaan m nan tuk bi ke, ‘Kinikpakpak yaa fii binib ngbaan aakaasisik ni kan, ni lik ti ponn ni mbamɔm. Ni li toor kina aabɔr ibamɔn ni; ni li toor nimi aanib, ni biwɔwɔm bi koo ni chee na mɔmɔk aabɔr kina.

Ikaal 1:16 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

Ilahn 58:1

Nimi bibɔjirb, ni kee jin tibɔr ibamɔn ni ii? Ni ji binib mɔmɔk aabɔr mbamɔm aa?

Nnyam 22:21

“Ni taa ŋa uwɔwɔnja mbiin, ki teer ke ni mu nan ye biwɔwɔm le Ijipt aatiŋ ni.

Ŋiyataŋak 31:9

Len tii bi, ki li ye ubɔjirbamɔnn. Li kii bigiim ni bifalaadam aabamɔn.”

Liifai Yaab 19:15

“Ni yaa bi ji unii tibɔr kan, ni len ibamɔn ki li kpa kipak; ni yaa ji ugiin tibɔr kan, ni taa li kpa imaagann, ki mu taa li san biwankpadam ijawaan.

Liifai Yaab 24:22

Ikaal ngbaan joo ni mɔmɔk la. I joo nimi Israel yaab, ni biwɔwɔm bimɔk koo ni chee na la, ba pu? min le ye Nidindaan Uwumbɔr.”

Nkahm 27:19

Cha u sil utotoor Eleasar ni binib ngbaan mɔmɔk aanimbiin ni, aan ki moon bi mɔmɔk aanimbiin ni nima, ki tuk bi ke Josua le min Uwumbɔr nyan ke u gaa si saatuln,

Jɔnn 7:24

Ni taa bii unii, kaa nyi tibɔr ti bi usui ni na. Puen bee tiwan ni bi usui ni na, aan ki nin len waabɔr mbamɔm.”

Ikaal 1:15

Nima pu na, m nan di binib bi kpa nlan, ki nyi mbimbin mbamɔm, aan ni nan nyan bi nimi aanibol ni ki di bi tii mi na, ki di nimi kpaan bi. Bibaa nan lik nimi binib lichur, biken mu binib nkub, le biken mu binib piiŋmu, biken mu kipiik. M nan ki nyan biyidam bibaa mu ke bi li lik ŋinibol ngbaan mɔmɔk.

Ikaal 24:14

“Aa yaa yoor unii u ye ugiin kaa kpa na, saatuln ni kan, u yaa ye aaŋeen aatɔ Israel aanii, bee uwɔwɔnja le ki bi saatiŋ ni kan, aa taa ji u pem pem.

Ikaal 25:1

“Nimi Israel yaab ŋmeen aajab bilee yaa kpa kijaak ki di tɔb buen libɔjil ni, aan ubaa ti jin mbamɔn, uken aabɔr bii kan,

Ikaal 27:11

Moses nan ki bui Israel aanib ngbaan ke,

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.

1 Tesalonika 2:11

Ni nyi ke uja aah ŋani waabim pu na, ti nan ŋani nimi ubaabaa kina la;

1 Timoti 5:21

M sur si Uwumbɔr ni Tidindaan Yesu Kristo ni waatuuntiib bi u nyan bi na aanimbiin ni la, aa li ŋani maah len pu na, ki li joo Yesu aanib mbamɔm, ki taa li kpa imaagann.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.