Ikaal 1:11 - Uwumbɔr aagbaŋ

¹¹ Uwumbɔr, u ye niyaajatiib Aawumbɔr na, le cha ni moo pɔr ŋichur ŋichur ki jer naah bi pu na, aan ki kan tinyoor ke waah nan puu pu na.

Ikaal 1:11 ပူးပေါင်းရင်းမြစ်များ

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

2 Samuel 24:3

Le Joab bui ubɔr ngbaan ke, “Mpɔɔndaan, Aadindaan Uwumbɔr cha Israel aanib li wiir nfum nkub ke baah bi pu dandana wee na, ki cha aa li bi ki kan kina. Ba ŋa aan mpɔɔndaan tee ban ke u ŋa kina?”

1 Bibɔrb Aabɔr 21:3

Le Joab gar u ke, “Uwumbɔr cha Israel aanib li wiir nfum nkub ki jer baah bi pu dandana wee na. Mpɔɔndaan, bi mɔmɔk ye saatutum la. Ba ŋa aa ban ke aa ŋa kina ki bii litimbomɔln ngbaan aabɔr?”

Ilahn 115:14

Uwumbɔr tii nimi ni niyaabitiib bibilb.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Esekiel 16:7

M nan cha aa muun ke busub bu kpa laafee na. Aa nan pɔɔk, ki fɔk, le ki ŋa upiisapɔɔn. Saabii nan nyan ki ŋan, le saayikpir mu muun, aa mu aa nan gbab nibaa.

Nkahm 22:12

Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Nkahm 6:27

Uwumbɔr nan ki bui ke, “Bi yaa di maayimbil mee tinyoor biin Israel yaab pu kina kan, m ga ŋa tinyoor ŋa bi pu.”

Ikaal 1:10

Nidindaan Uwumbɔr cha ni pɔr ki wiir ke iŋmabi i bi paacham na.

Ikaal 1:12

Tɔ, naah wiir sakpen pu na, min baanja ga ŋa kinye ki li toor nimi aabɔr?

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 10:22

N‑yoonn mu niyaajatiib nan buen Ijipt aatiŋ ni na, bi nan ye binib imonko itaa ni kipiik baanja la, le dandana wee, Nidindaan Uwumbɔr cha ni wiir sakpen ke iŋmabi i bi kitaapaak na.

Ikaal 28:62

Naah wiir ke iŋmabi na, ni ga ti gur siib la, ba pu? ni yii Nidindaan Uwumbɔr aamɔb.