Ikaal 1:1 - Uwumbɔr aagbaŋ

¹ Israel yaab aah nan bi nteersakpiin ni, Jɔɔdann Aamɔɔl chee, liwipuul wɔb na, le Moses di tibɔr ti bi kigbaŋ kee ponn ni na tuk bi. Bi nan bi Jɔɔdann aafataŋ ni, ki bi gbɔk kitiŋ ki bi yin ki ke Suf na, ki nan bi Parann aatiŋ, ni ntim mu bi nan yin mu ke Tofel, ni Labann, ni Haserof, ni Disahab na aakaasisik ni la.

Ikaal 1:1 ပူးပေါင်းရင်းမြစ်များ

Mpiin 21:21

Una nan yoor Ijipt yaab aapiibo le tii u.

1 Bibɔrb 11:18

Bi nan fii Midiann aatiŋ ni le ki di buen Parann aatiŋ ni, nima chee le bijab bibaa nan ti kpee bi pu. Le bi mɔmɔk chuun buen Ijipt aatiŋ ni, ki ti buen ubɔr chee, le ubɔr ngbaan tii Hadad kitiŋ ni lidichal, ki tii u tijikaar.

Habakuk 3:3

Uwumbɔr ki nyan ni Edom aatiŋ ni ki choo; Uwumbɔr u ye chain na nyan ni Parann aagongon pu ki choo. Waanyuun gbiin paacham, le waapak mu gbiin kitiŋ kee pu.

Nkahm 10:12

Le Israel yaab nan piin lisachuln Sainai Aateersakpiin ni. Ntaalangbam ngbaan nan ti sil Parann Aateersakpiin ni la.

Nkahm 11:35

Baah fii nima chee na, le bi ti kal Haserof aateersakpiin ni.

Nkahm 12:16

Nee aapuwɔb le binib ngbaan fii Haserof Aateersakpiin ni, ki ti kal Parann Aateersakpiin ni.

Nkahm 13:26

nee aapuwɔb, le bipepekb ngbaan gir ni Moses, ni Aaronn, ni Israel yaab mɔmɔk chee, Kades aatiŋ ki bi Parann Aateersakpiin ni na. Bi nan bui bi baah kan pu na, ki mɔk bi nima chee aasubil ŋi bi nan joo ni na.

Nkahm 13:3

Le Moses nan kii kina ki nyan bisalolm ngbaan, Parann Aateersakpiin ni, ki tun bi. Baah nan nyan bi na sɔ: Linibol Usaloln Rubenn Sakur aajapɔɔn Samua Simeonn Hori aajapɔɔn Safat Juda Jefune aajapɔɔn Kaleb Isakar Josef aajapɔɔn Igal Efraim Nunn aajapɔɔn Hosea Benjaminn Rafu aajapɔɔn Palti Sebulunn Sodi aajapɔɔn Gadiel Manase Susi aajapɔɔn Gadi Dann Gemali aajapɔɔn Amiel Aser Maikel aajapɔɔn Setur Naftali Fofsi aajapɔɔn Nabi Gad Maki aajapɔɔn Gewel

Nkahm 32:19

Taah kan timi aatiŋ Jɔɔdann aamɔɔl, liwipuul do na, taan ki ban nibaa biken chee, Jɔɔdann aamɔɔdapuul.”

Nkahm 32:32

Waah tuk timi pu na, ti ga puur buen Kanaann aapepel wɔb ki ti to butɔb, nima kan, Jɔɔdann aamɔɔl liwipuul wɔb do, ga li ye timi aatiŋ.”

Nkahm 32:5

Ni yaa mɔɔr si kan, di kitiŋ kee tii timi, ki li ye timi aawan, aan ki taa cha ti puur Jɔɔdann Aamɔɔl ki ti kal nima wɔb.”

Nkahm 34:15

ki bi Jɔɔdann aawipuul wɔb, ki tok Jeriko aatiŋ ki bi Jɔɔdann aawilir wɔb na.”

Nkahm 35:14

mutaa li bi Jɔɔdann aawipuul wɔb, aan mutaa mu li bi Kanaann aatiŋ wɔb.

Ikaal 2:8

“Nima na, ti nan fii nima chee, kaa nan dii nsan mu nya Elaf ni Esionn Geber aatim ni ki cha N‑yaan Aanyusakpem chee na. Ti nan fenn toŋ ŋŋangan ni liwipuul aakaasisik ni, Moab aapepel wɔb.

Ikaal 27:1

Moses ni Israel yaab aayidam nan bui binib ngbaan ke, “Ni li ŋani maah tuk nimi din wee pu na mɔmɔk.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 31:1

Moses nan ki len Israel yaab chee tibɔr timina,

Ikaal 33:2

Uwumbɔr nan nyan ni Sainai Aajool paab, u nan fii Edom ke nwiin na, le waawiihn nyan ni Parann Aajool paab ki woln waanib pu. Waatuuntiib ŋichur kipiik nan bi u chee ke mmiigaal mu nyan ni uŋangii wɔb na.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Josua 22:4

Dandana wee, waah nan puu pu na, Nidindaan Uwumbɔr tii niŋeen aatɔtiib Israel yaab biken nsuudoon a. Kina pu na, gir kun kitiŋ ki pu ni nan gaa ki ye nimi yaan na, kitiŋ ki bi liwipuul, Jɔɔdann aamɔɔdapuul wɔb na, kitiŋ ki Uwumbɔr aatutunn Moses nan di tii nimi na.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.