Hosea 9:6 - Uwumbɔr aagbaŋ

⁶ Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.

Hosea 9:6 ပူးပေါင်းရင်းမြစ်များ

2 Bibɔrb 13:7

Jehoahas aa nan ki kpa bijab bi kpa tijawan na; bitandam piiŋmu, ni tɔroku tiib kipiik, ni bitaabɔndam ŋichur kipiik baanja le nan gur. Siria aatiŋ aabɔr nan taa taa bi gur na ŋmal titan ni ke kitangbaak na ki kuln bi.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ŋiyataŋak 24:31

Ikokon ni timoor le nan muun gaa ki ni. Waah di idɔ i gob ki na nan lir dɔ kitiŋ.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 19:13

Soann ni Memfis aatim aaninkpiib ye bijɔrb la. Baatuln le nan ye ke bi joo litimbol, le bi tee di bi yenn.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 32:13

le ikokon ŋmeen le gur si maanib aakpaakon ni. Li wii man ŋidichal ŋimɔk ponn ni binib nan bi ni mɔ bi na pu, ni kitisakpeŋ ki nan gbii binib na pu.

Aisaya 34:13

Ikokon ni ŋinaabukar ŋmeen le ga punn ŋibɔrdichal, ni ntim mu bi maa ŋigon kiir mu na mɔmɔk ponn ni, le ikakal ni ifiin ga li koo nima.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Aisaya 7:23

“N‑yoonn ngbaan yaa nan fuu ni kan, ŋisubil aasui aasar ti kpa isui lichur aan bi ga ŋmaa kooh ti tikur aamombil lichur na mɔmɔk ga kpaln ikokon aasui aasar la.

Jeremia 2:16

Mbamɔn, bijab bi nyan ni Ijipt aatim Memfis ni Tapanes na gbaa wiil biyil a.

Jeremia 42:22

Kina pu na, teer nimina man: butɔb, ni nkon, ni iween le ga ku nimi kitiŋ ki pu ni ban ke ni ti li koo na.”

Jeremia 44:1

Uwumbɔr nan len Israel yaab bi nan bi Ijipt aatiŋ pu ki koo Migdol, ni Tapanes, ni Memfis aatim ni, ni Ijipt aaŋangii wɔb aapepel ni na aabɔr.

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 44:13

Maah nan di butɔb, ni nkon, ni iween daa Jerusalem aatiŋ yaab aatafal pu na, kina le m ga daa binib bi mɔmɔk koo Ijipt ni na aatafal.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 46:19

Nimi Ijipt yaab gor nibaa pu aan bi di nimi buen tinaagbiir ni. Memfis aatiŋ ga kpaln nteersakpiin, mu ga li ye nkuun aan ubaa aa koo nima na la.

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Esekiel 30:16

M ga see Ijipt aatiŋ mmii, le Pelusium aatiŋ ga li bi iween kpaan ni. Tebes aagon ga wɔi doon kitiŋ, le kitiŋ ngbaan ponn ni kpaln nwam.

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”

Hosea 11:11

Bi ga nya ni Ijipt aatiŋ ni mala ke inyoon na, ki nya ni Asiria aatiŋ ni mala ke ŋinanjel na. M ga ki giin ni bi bido bido. Min Uwumbɔr le len kina.”

Hosea 2:6

Kina pu na, m ga di ikokon le gob u ki maa ligoln kiir waasan.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Hosea 7:13

“Baamɔfal junn a. Bi di mi lii le ki nyan mpuwɔb. Bi ga kuln. M ba ban ke m ter bi la, le bi mu aa dii mi mbamɔm.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Sefania 1:11

Nimi bi bi kitiŋ ngbaan aanyaŋ ni wɔb na, ni li wii ikpowiil, ba pu? binib bi mɔmɔk chuun daa ki tiir na ga kpo.

1 Samuel 13:6

le ki fii mpɔɔn ŋmeen ti tak Israel yaab, le Israel yaab aa nan ki nyi baah ga ŋa pu na. Bibaa nan bɔr titakpalunn ponn ni, ni ibuu ponn ni, ni ŋitakpal taab, ni ŋibugen, ni inyunbun ponn ni.