Hosea 9:4 - Uwumbɔr aagbaŋ

⁴ Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Hosea 9:4 ပူးပေါင်းရင်းမြစ်များ

Nnyam 29:40

Ni yaa ban ni di njan aapiih toor kan, ni ban boroboro aayon mu ŋan na kuruwaa ubaa, ki di olif aakpan kpalba ubaa buun mu. Ni bar ŋisubil aadaan kpalba ubaa mu ki di ŋa ipiin ngbaan.

Nnyam 40:23

le ki di boroboro u bi di tii Uwumbɔr na paan u pu, ke Uwumbɔr aah nan bui u pu na.

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 16:7

Ubaa aan kal uken chee u ji ki nyu ndaan, ki sɔŋ usui, ke baah gee unii u na yaa kpo kan, bi ŋani pu na. Ubaa aan san uken kinimbaak, ni yaa ye udaan ngbaan aate, bee una le yaa kpo kan, ubaa aan gar u.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Esekiel 24:17

Taa cha saah ka wii liŋmiŋmiln pu na nya lipaal aan ubaa ŋun aa pu. Taa pir kpiir aayil pu, bee aa li chuun kaa tak ŋinaatak ke ni mɔk ke aa bi wii likpuul la. Taa di nibaa biin aanimbil pu, bee aa ji binib bi bi wii likpuul na aah ji tijikaar ti na.”

Esekiel 24:22

Le ni ga ŋa maah ŋa pu na. Naan di tiwan biin ninimbil pu, kaan ji tijikaar ti binib bi bi wii likpuul na ji na.

Daniel 1:8

Daniel nan ŋa nlandak ke waan ji tijikaar ti ubɔr aachiln ni aanib ji na, kaan nyu baadaan mu ki bii waah dii nsan mu na; kina pu na, u nan bui Aspenas ke u ter u,

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:9

Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Liifai Yaab 17:11

Tiwanfuurkaan mɔmɔk aamɔfal bi nsin ni la, kina pu le Uwumbɔr siin nkaal ke ni nyan tiwakor aasin mɔmɔk ŋa kitork aabimbiln pu, aan mu nyan binib ngbaan aatunwanbir. Nsin, mu ye limɔfal na, le nyani titunwanbir.

Liifai Yaab 21:17

ke u tuk Aaronn ke, “Aayaabitiib ponn ni aanii ubaa aawon yaa kaa ŋan ki kpa iween kan, u taa di tijikaar aatork tii mi. Nkaal ngbaan ga li bi kina le ki cha n‑yoonn mɔmɔk.

Liifai Yaab 21:21

Aaronn u ye utotoor na aayaabitiib ponn ni ubaa yaa kpa tiwon aaween kina aaboln kan, u taa di tijikaar aapiin aatork tii min.

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 21:8

Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Nkahm 19:11

Unii umɔk meeh linikpol na kan, u kpaln tijɔŋdaan le ki ti saa iwiin ilole.

Nkahm 28:2

ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

Nkahm 4:7

“Bi di likekeln bɔmbɔln kpar biin teebul u bi joo boroboro paani tii Uwumbɔr na pu, aan ki di ŋisambil, ni tulalee aayon aasambil, ni ipiin aasambil, ni ŋisubil aadaan aabobim ŋi bi joo tii Uwumbɔr ipiin na chɔŋ u pu. N‑yoonn mɔmɔk kan, boroboro li paa teebul ngbaan pu.

Jɔnn 6:51

Min le ye tijikaar ti nyan ni paacham ki tii binib limɔfal na. Unii yaa ji tijikaar ngbaan kan, u ga li bi n‑yoonn mu kaa kpa ndoon na. Tijikaar ti m ga tii u na, tima le ye maawon. M ga di maawon tii dulnyaa ni aanib, aan bi kan limɔfal.”

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.