Hosea 9:10 - Uwumbɔr aagbaŋ

¹⁰ Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Hosea 9:10 ပူးပေါင်းရင်းမြစ်များ

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

2 Bibɔrb 17:11

le ki seer nnyɔknii ŋiwaabimbin mɔmɔk pu, ki dii binib bi Uwumbɔr nan jenn nyan bi kitiŋ ngbaan pu na aasan. Bi nan di baabiin aatun fiin Uwumbɔr aaŋuul,

Ilahn 115:8

Cha binib bi mɔmɔk naan ŋi ki kpa ŋi pu limakl na li gur bi ke ŋiwaa ŋi bi naan na.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Aisaya 28:4

Kipak ki bininkpiib bi ye bidagbiib na nan kpa na bi gbaar ke baah ker ŋikakan ŋi puen puir na mala pu na la.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 24:2

Njan aabɔɔkuuk na nan gbii ŋikakan ŋi puir mala ki ŋan na la; le kiken na gbii ŋikakan ŋi kaa ŋan, ki bur, baan ŋmaa ŋmɔ ŋi na.

Jeremia 3:24

Le inimɔɔn aawaal Baal na aadoon pu cha ti lann ipiih, ni inaa, ni japɔtiib, ni bisatiib, ni tiwan nimɔk tiyaajatiib nan tun ki kan n‑yaajayoonn na.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 31:2

Nteersakpiin ni, m nan san binib bi nan ŋmar kaa kpo na kinimbaak. Israel aanib aah nan ban lifuur na,

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Hosea 13:5

M nan kpiin nimi nteersakpiin mu aatiŋ kuun na ni.

Hosea 2:15

M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi,

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 4:18

Bi yaa ti nyun ndaan bab kan, le bi fii lir kidagook pu, le ki neen inimɔɔn n‑yoonn ngbaan ki jer kipak.

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Maika 7:1

Maa kpa nsuupiin. M naahn uja u nkon joo u aan lisubil mu aa gur waasui pu, aan ndaan aasubil mu aa bi ŋaasui pu na la. Bi ker ŋisubil mɔmɔɔn ngbaan mɔmɔk a.

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Nkahm 18:13

Nimina mɔmɔk ye sin yaan la. Saamaal ni aanii umɔk bi chain ki ŋeer na ga ŋmaa ji ni.

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

Ikaal 32:10

Bi nan chuun bi nteersakpiin ni, le u kan bi, nteersakpiin mu libuln li kuur na daar aan nibaa aa punni na. Uma le nan lik ki kii bi ke waah ga li joo ubaa pu na;

Ikaal 32:17

Bi nan toor kitork ki tii tiwan ni kaa ye Uwumbɔr na la, kinimbɔŋ le bi toor tii: ŋiwaa ŋi biyaajatiib Israel yaab aa nyi ŋi daalbaadaal na, Israel yaab aa kee doon ŋi daalbaadaal.

Ikaal 4:3

Ninimbigbaŋ kan Uwumbɔr aah nan ŋa pu Peor Aajool chee na. U nan kuln unii umɔk nan dooni liwaal Baal na;

Bibɔjirb 6:32

Joas aah bui ke, “Cha Baal len tii libaa, ke lima aabimbiln le ber” na pu, ki nyan n‑yoonn ngbaan bi nan gur yin Gideonn ke Jerubaal la.