Hosea 9:1 - Uwumbɔr aagbaŋ

¹ Israel aanib, taa ki ji nimi aajim ke binib bi kaa nyi Uwumbɔr na aah ŋani pu na. Ni fenn nipuwɔb tii nimi Aawumbɔr le kaa keei waamɔb. Kitiŋ kee mɔmɔk pu, ni di nibaa kooh ke upiidagoor na le ki di tii liwaal Baal, le ki gee tijikaar ti ni dak ke u joo pa nimi na.

Hosea 9:1 ပူးပေါင်းရင်းမြစ်များ

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Aisaya 17:11

Hali isui ngbaan yaa punn ki guu ŋeen liwinbaal kan, naan kan nibaa i pu. Naah ga kan pu na le ye falaa ni iween i kaan sɔŋ na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Inandalahn 4:21

Edom ni Us aanib, li laa man; buyoonn ni ga ŋman na kan, li kpa mpopiin man. Ni mu aabɔbir choo; ni mu ga li chuun gbeer niŋmeen inimɔɔn ŋmeen.

Esekiel 16:15

“Le aa nan gur joo saanyaan ni liyimbil ngbaan le doo unii umɔk dan ke u ban si na chee.

Esekiel 16:30

Aadindaan Uwumbɔr aah bi len pu na sɔ: “Aa ŋa nimina mɔmɔk ke upiidagoor u kaa san inimɔɔn na la.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Esekiel 21:10

Bi luun ki ke ki ku la, ki duun ki ke ki li moor lak lak. Mmɔɔn aan li bi, ba pu? maanib yii nsurm ni ntafadaan mɔmɔk.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 2:12

M ga bii ndaan aasubil aasui ni ŋisubil ŋiken aasui, i u bui ke waah tun tii ubɔtiib pu na le bi tii u na. M ga cha waadaan aasubil aasui ni ŋisubil ŋiken aasui na kpaln kichook, ipeel le ga bii ni mɔmɔk.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Amos 6:13

Ni puk kipupuk ke ni nyaŋ Lo Debar aatiŋ. Ni puk kipupuk ke, “Ti nan pɔɔ ki nyaŋ Karnayim aatiŋ.”

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Jemisi 4:16

Le ni tee kpa kalmbaani ki puk kipupuk. Ni yaa puk kipupuk kina kan, naa ŋan.

Jemisi 5:1

Nimi biwankpadam, ni li pel man. Ni li wii ki li kaani falaa u ga pii nimi na pu.