Hosea 8:9 - Uwumbɔr aagbaŋ

⁹ ki kpa tafalaaŋun ke iŋoob na. Israel aanib bi bibaa pu la. Bi buen Asiria aatiŋ pu ti ban nterm, le ki pan ŋitimbol ŋiken ŋimombil ke ŋi ter bi.

Hosea 8:9 ပူးပေါင်းရင်းမြစ်များ

2 Bibɔrb 15:19

Asiria aatiŋ aabɔrkpaan Tiglaf Pileser nan koo ni Israel aatiŋ ni, le Menahem tii u tikunabr ti aanyunyuun ga pii njikaabim kuruwaa ŋichur piitaa ni ŋinaa aanyunyuun na ke u ter u ki tii u mpɔɔn Israel aatiŋ pu.

Aisaya 30:2

Bi chaa Ijipt aatiŋ ni ti ban nterm kaa puen baa mi waahr. Bi ban ke Ijipt yaab li kii bi, kina pu na, bi di naadii tii Ijipt aabɔrkpaan.

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Jeremia 2:24

ki san kpak nteersakpiin ni na la. U yaa ban u jon kan, ŋma ga ŋmaa chuu u? Laakumiija u ban u jon u na aan ŋa falaa ubaa; n‑yoonn mumɔk u ban u jon na kan, u kani u.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 12:2

Uwumbɔr kpa Juda aanib pu ngalm, le ki ga daa Israel aatiŋ aatafal, kaanib aatuln pu. U ga giin baah tun pu na le pa bi.

Hosea 2:10

M ga gbabr u ki cha u uŋmeen ubɔtiib aanimbil ni, le ubaa aan ŋmaa nyan u maapɔɔn ni.

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.