Hosea 8:8 - Uwumbɔr aagbaŋ

⁸ Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Hosea 8:8 ပူးပေါင်းရင်းမြစ်များ

2 Bibɔrb 18:11

Asiria aatiŋ aabɔrkpaan ngbaan nan chur Israel aanib tinaagbiir buen Asiria aatiŋ ni, le ki ti di bibaa kaan Hala aatiŋ ni, ki kaan biken Habor Aamɔɔl chee, Gosann aapepel ni, ki kaan biken mu Media aatim ni.

Aisaya 30:14

Ni wii yak yak ke tiyakr aabuul na la, ni wii yak yak sakpen le kisanjaŋ aan ki li bi, bi di moo mmii, bee bi di kab nnyun nkin ponn ni.”

Jeremia 22:28

Le m bui ke, “Ubɔr Jehoyachinn kpaln libuul li wii aan bi di li mee ubaa aa ki ban li na la aa? Kina pu le u ni waabim bi tinaagbiir ni, kitiŋ ki baa nyi kaabɔr na ni ii?

Jeremia 25:34

Nimi biyidam, li wii man, nimi maanib aayidam, wii mpɔɔn pu man. Li wii ikpowiil ki bilni titan ni man. N‑yoonn mu bi ga ku nimi na fuu ni a, bi ga kɔr nimi ke ipihja na, le ŋinikpol ga yaa ni kookoo.

Jeremia 48:38

Ikpowiil le bi Moab aadichapaab ni baakakaa mɔmɔk chee, ba pu? m wii Moab ke libuul li ubaa aa neen li na la.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 51:34

Babiloŋ aabɔr nan gii gii Jerusalem le ki di ŋman. U nan chuu kpenn kitiŋ ngbaan chain ke libuul na la; u nan nab ki ke kipeewanbiik aah nae tiwan pu na la. U nan yoor waah gee ni na buen le ki di ni gur na mee.

Inandalahn 2:16

Saadim mɔmɔk ŋani si yaansara, le ki gbee si kinanaŋ aaningbee. Bi mul bimɔi le ki bui ke, “Ti kuln ki a. Taah nan kii nwiin mu na le na.”

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 2:5

Uwumbɔr kuln Israel aatiŋ ke udin na la. U cha kaabɔrdichal, ni tijawan aadichal na kpaln tilangbenn. U tii Juda aanib mpombiin mu kaa kpa ndoon na.

Inandalahn 4:2

Sionn aanachipɔm nan ye ti chee liwangol ke salmaa na la, le dandana ma kan, bi gur ŋani bi ke tiyakr aabuu na.

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Esekiel 36:3

“Tɔ, nabr maabɔr ki moon min Dindaan Uwumbɔr aah bi len pu na. Ŋitimbol ŋiken ŋi bi gbɔk Israel aatimbol na aah nan nyaŋ ki yoor Israel aajoo aawan na, ŋi mɔmɔk nan sii Israel la.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.