Hosea 8:7 - Uwumbɔr aagbaŋ

⁷ Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.

Hosea 8:7 ပူးပေါင်းရင်းမြစ်များ

Mpiin 41:23

Le likalmaan liken mu si ki ŋmeen ŋikalmaankpab ŋilole ŋi kaa gbei, ki bi ke ntaaweel aakalmaan na,

2 Bibɔrb 15:19

Asiria aatiŋ aabɔrkpaan Tiglaf Pileser nan koo ni Israel aatiŋ ni, le Menahem tii u tikunabr ti aanyunyuun ga pii njikaabim kuruwaa ŋichur piitaa ni ŋinaa aanyunyuun na ke u ter u ki tii u mpɔɔn Israel aatiŋ pu.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

Job Aagbaŋ 4:8

M kan binib aah kon titunwanbir ke nkpaakon pu na, ki bun mbiin ke njikaabim na pu na; le ki tee nan chee mbiin, ni titunwanbir.

Ŋiyataŋak 22:8

Aa yaa di titunwanbir bun kan, kinimbɔŋ le ga punn, le saah muk biken pu na ga doo.

Ulandaan 5:16

Naa ŋan. Taah dan pu na, kina le ti ga gir buen. Ti tun, le ki pɔɔni tibaa ke ti chuu libuln. Tɔ, ba aan ti kani?

Aisaya 17:11

Hali isui ngbaan yaa punn ki guu ŋeen liwinbaal kan, naan kan nibaa i pu. Naah ga kan pu na le ye falaa ni iween i kaan sɔŋ na.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Hosea 2:9

Kina pu na, lijikaacheel yoonn kan, m ga gaa maajikaar ni ndaan, ki gaa ŋikeken ŋi m tii u ke u li joo gbae na.

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Hosea 9:16

Israel aanib bi ke busub bu aanyaan kuur aan bu aa ki lu na la. Baan ki maa mbim, le bi ti ki ma bi kan, m ga ku baah gee baabim bi sakpen na.”

Nahum 1:3

Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Galantiya 6:7

Tɔ, ni taa ŋmanni nibaa; ni taa dak ke ni ga ŋmaa ŋmann Uwumbɔr; tiwan ni aa bun na, nima le aa ga nan chee.

Galantiya 6:8

Maah len pu na le ye ke unii yaa ŋani unibɔn aabimbin aah ban pu na kan, u ga kan nkun. Unii yaa ŋani Uwumbɔr Aafuur Nyaan aah ban pu na kan, u ga kan limɔfal li kaa kpa ndoon na.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.