Hosea 8:13 - Uwumbɔr aagbaŋ

¹³ Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 8:13 ပူးပေါင်းရင်းမြစ်များ

Nnyam 20:3

“Ni taa doon liwaal libaa; ni li dooni min baanja.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Esekiel 29:16

Israel aatimbol aan ki nyii bi pu daalbaadaal ki ban nterm. Ijipt aabimbin ngbaan le ga teer Israel yaab naah kaa ŋan pu ke bi nyii bi pu ki ban nterm na. N‑yoonn ngbaan le Israel yaab ga bee ke min le ye Bidindaan Uwumbɔr.”

Hosea 11:5

“Bi yii kaan gir ni m chee, kina pu le bi ga ki gir Ijipt aatiŋ ni, le Asiria aabɔr ti li joo bi.

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 4:9

Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Hosea 7:2

Naa kee koo biyil ni ke m ga teer titunwanbir timina mɔmɔk; le baatunwanbir mann goln bi, le maan ŋmaa yii ke maa waa ti.”

Hosea 9:6

Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.

Tibɔnyaan ti Luk ŋmee ti na 12:2

Tibɔbɔrkaan mɔmɔk ga kpiir. Tibɔr timɔk bɔɔ na, ti ga nyan mpaan pu.

1 Korenti 11:20

Naah kuuni nan ji tijikaar ti na, naa ye Tidindaan aajim le ni ji.

1 Korenti 11:29

Unii yaa ŋman ki yaa nyun, ki yaa kaa bee Tidindaan aawon aatataa kan, u ga cha Uwumbɔr daa utafal.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

Ikaal 28:68

Uwumbɔr ga cha iŋɔsakpiin giin nimi buen Ijipt aatiŋ ni, nin chee u nan puu ke waan cha ni ki gir buen na. Nima chee le ni ga ti pɔɔn nibaa ke ni di nibaa kooh tii nimi aadim aan ki li ye baanaagbiib, le ubaa mu aan li ban ke u daa nimi.”

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.