Hosea 7:8 - Uwumbɔr aagbaŋ

⁸ Uwumbɔr bui ke, “Israel aanib bi ke boroboro u bi pun u aan waa biir mbamɔm na la. Bi ka lik ŋitimbol ŋi mann goln bi na pu le ki ban nterm,

Hosea 7:8 ပူးပေါင်းရင်းမြစ်များ

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Esra 9:12

Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.