Hosea 7:7 - Uwumbɔr aagbaŋ

⁷ “Baaŋuul aakaasisik ni le bi ku baajojoob. Bi ku baabɔrb paani tɔb pu la. Le ubaa aa tee mee mi ki ban nterm.”

Hosea 7:7 ပူးပေါင်းရင်းမြစ်များ

1 Bibɔrb 15:28

Juda yaab aabɔr Asa aanaan aabitatar ni le nan bi na. Kina pu na, Baasa le nan nab Nadab aanaan pu Israel aatiŋ pu.

1 Bibɔrb 16:18

Simri aah kan ke bi nyaŋ kitiŋ ngbaan na, le u koo libɔrdichal aadifɔfɔk ki bi ponn ni na ni, le ki see libɔrdichal lii, le ki kpo mmii ngbaan ni.

1 Bibɔrb 16:22

Kookoo na, binib bi nan gee Omri na le nan jin; Tibni nan kpo, le Omri jin nnaan.

2 Bibɔrb 10:14

Le Jehu bui waajab ke, “Di niŋaal chur bi man.” Le bi chur bi mpɔɔn, le u ku bi libugeln libaa chee nima. Bi nan ti kpaan binib imonko ilee ni bilee la, le bi ponn ni ubaa kina aa nan ŋmar.

2 Bibɔrb 10:7

Jehu aagbaŋ ngbaan aah pii bi na, le Samaria aatiŋ aasalolm ngbaan ku Ahab aayaabitiib imonko itaa ni kipiik ngbaan mɔmɔk, ki di baayil ŋa tibɔɔkur ni, ki di ti tii Jehu, Jesreel aatiŋ ni.

2 Bibɔrb 15:10

Le Jabes aajapɔɔn Salum nan nyan sil Ubɔr Sekaria pu, le ki nan ti ku u Ibleam aatiŋ ni, ki nab waanaan pu.

2 Bibɔrb 15:14

Gadi aajapɔɔn Menahem nan nyan Tirsa aatiŋ ni le ki buen Samaria aatiŋ ni, le ki ti ku Salum ki nab waanaan pu.

2 Bibɔrb 15:25

Pekahia aajab aaninkpel u bi nan yin u ke Peka, aan ute ye Remalia na nan lok u ibuu, le ki kan bijab piiŋmu Gilead aatiŋ ni, le bi ti ku Pekahia ni Agob ni Arie, libɔrdichal aadiik ki kpa mpɔɔn na ni, Samaria aatiŋ ni, le u nab waanaan pu.

2 Bibɔrb 15:30

Usia aajapɔɔn Jotam aah nan ye Juda aatiŋ aabɔr pu na aabin moninko ni, le Ela aajapɔɔn Hosea nan lok Ubɔr Peka pu ibuu, le ki ku u, ki nab waanaan pu.

2 Bibɔrb 9:24

Le Jehu taln waatɔm, le ki di waapɔɔn mɔmɔk too mpiin le mu ti yun Joram aapuwɔb ki ti chaar chuu uŋuul. Joram nan lir waatɔroku ni ki kpo,

2 Bibɔrb 9:33

le Jehu bui bi ke, “Di u mee lii ni man.” Le bi di u mee lii ni kitiŋ, le waasin yaa ligoln, ni itaan pu. Jehu nan di waataan ni tɔroku jer u pu,

Job Aagbaŋ 36:13

Binib bi kaa nyi Uwumbɔr na aaŋuul fiir n‑yoonn mɔmɔk, hali bi yaa kan ntafadaan kan, baa mee Uwumbɔr ki ban nterm.

Ilahn 14:4

Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

Aisaya 43:22

Uwumbɔr bui ke, “Israel yaab, ni nan nuur mi, naa nan dooni mi.

Aisaya 64:4

Ubaa aa kee kan, bee u ŋun Uwumbɔr uken pu u bi ke sin, u ŋani ŋitun ŋee aaboln tii binib bi mak aa pu na.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Esekiel 22:30

M lik ke m kan unii u ga ŋmaa maa ligoln na, unii u ga ŋmaa sil nin chee ŋigon lir na, ki kiir kitiŋ ngbaan buyoonn maaŋuul ban li kuln ki na, tɔ, m mu aa ŋmaa kan ubaa.

Daniel 9:13

Aa nan tii timi ntafadaan mumɔk nan ŋmee dɔ Moses aakaal ponn ni na. Tidindaan Uwumbɔr, hali nima ngbaan aa cha ti mee si ki aa san timi kinimbaak, bee ti yii timi aatunwanbir ki fenn dii saasan mu ye ibamɔn na.

Hosea 13:10

Ni nan bui ke ni ban ubɔr ni bisalolm la; tɔ, bi ga ŋa kinye ki gaa litimbol ngbaan lii?

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.