Hosea 7:16 - Uwumbɔr aagbaŋ

¹⁶ Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Hosea 7:16 ပူးပေါင်းရင်းမြစ်များ

Ilahn 12:3

Uwumbɔr, cha ŋilambil ŋi kpa kimɔmɔɔn ngbaan na ŋmin chii. Ŋeeb imɔi i kpa kipupuk ki len ke,

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 17:10

baa san kinimbaak, le ki len kigaak aaliin.

Ilahn 52:2

Aa ban isan ke aa kuln biken; saalambil ka ke kijukaŋ na la. N‑yoonn mɔmɔk kan, aa naani inyamɔn la.

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ilahn 73:9

Bi len Uwumbɔr u bi paacham na tibɔbir, le ki tii binib bi bi kitiŋ pu na kigaak aatun,

Ilahn 78:37

Baa nan dii waah len pu na; baa nan joo baah nan puu tipuur ti tii u na.

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Aisaya 3:8

Mbamɔn, Jerusalem sil kuln a. Juda mu bi lir la. Baah ŋani tiwan nimɔk ki len pu na mɔmɔk seei Uwumbɔr binib aanimbil ni la; le bi fii sil uma Uwumbɔr u kpa mpɔɔn mɔmɔk na pu.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Esekiel 23:32

Aadindaan Uwumbɔr ki bui ke, “Aa ga nyu aakpel aatafadaan aayikuuk ni la; ki wiir le ki nyoo mu. Kiyikuuk ngbaan gbii la; unii mɔmɔk ga ŋa si mbɔnyun ki laa si.

Esekiel 36:20

Baah nan buen nin chee mɔmɔk na, bi nan jinn maayimbil li bi chain na inimɔɔn la; ba pu? binib nan len le ke, ‘Uwumbɔr aanib sɔ, tɔ, ni nan ŋa ke bi nya waatiŋ ni.’

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Hosea 11:5

“Bi yii kaan gir ni m chee, kina pu le bi ga ki gir Ijipt aatiŋ ni, le Asiria aabɔr ti li joo bi.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Hosea 6:4

Le Uwumbɔr bui ke, “Israel ni Juda yaab, m ga ki ŋa nimi kinye? Naah kpa ngeehm mu m pu na fir mala ke kichakpiik ni aakpakpal na la, ki naahn limaln li fir nchakpawiin pu na.

Hosea 7:13

“Baamɔfal junn a. Bi di mi lii le ki nyan mpuwɔb. Bi ga kuln. M ba ban ke m ter bi la, le bi mu aa dii mi mbamɔm.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Hosea 9:6

Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.

Malakai 3:13

Uwumbɔr ki bui ke, “Ni len tibɔbir pam m pu. Le ni baa ke, ‘Ti len ba aabɔbir aa pu?’

Malakai 3:14

Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa.

Matiu 12:36

“M tuk nimi la, bundaln Uwumbɔr ga ji binib tibɔr na, liyaadaal ngbaan le bi ga kpiir baah nan len tibɔr yɔl yɔl ti na mɔmɔk ki tuk Uwumbɔr.

Tibɔnyaan ti Luk ŋmee ti na 8:13

Mu lir ntakpateer pu na le ye binib bi ŋun Uwumbɔr aabɔr ki gaa ti ni mpopiin na. Bi mu aa gaa ti bisui ni mbamɔm. Bi gaa Uwumbɔr ki kii ni yunn siib; tɔ, ntɔŋ yaa pii bi kan, le bi ga di u lii.

Jemisi 3:5

Kina le lilambil mu ye tiwan waatiir tiwon ponn ni, ki puk tipupuk sakpen. Lik, mmii waatiir aah ga ŋmaa wu kichoosakpeŋ pu na.

2 Piita 2:8

Uninyaan ngbaan nan bi baatiŋ ni, ki kan baah tun yɔl yɔl pu na, ki ŋun baah len iliinbir pu na. Waah nan ye uninyaan na, le baatunwanbir bii usui iwiin mɔmɔk.

Tibɔkpiirkaan 13:5

U nan kpa nsan ke u li kpa kipupuk ki sii Uwumbɔr, ki kpa nsan ke u li bi iŋmal imonko ilee ni ilee.