Hosea 7:14 - Uwumbɔr aagbaŋ

¹⁴ Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Hosea 7:14 ပူးပေါင်းရင်းမြစ်များ

Nnyam 32:6

Le ni woln kichakpiik ni, le bi joo ni tiwakor ke bi toor kitork ki di see mmii ni, ki di tiken ŋa tijikaar ki kpaan ji tɔb chee. Le binib ngbaan kal bi ji njim ngbaan, le ni ti kpaln lidanyul ni kidagook aatuln.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 52:5

Tiwanbaan ngbaan le ki ŋa Babiloŋ ni mu: ni ye binaagbiib la, le baa pan ni pu tipar tibaa. Binib bi joo nimi na puk tipupukr ki mak ki lik seeni mi n‑yoonn mɔmɔk.

Aisaya 65:14

Bi ga di mpopiin gaa ilahn, le nimi ga wii, nisui aah ga li bii pu na.

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Inandalahn 2:18

Jerusalem aatiŋ, cha aabaa aagon wii ki ban Uwumbɔr chee nterm. Cha saanyunyunn li puu kinyeek ni nwiin pu ke limɔɔl na. Cha saapombiin ni iwiil tii si tibakr.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Hosea 3:1

Le Uwumbɔr nan bui mi ke, “Gir ki ti di ngeehm tii upii u bi ubɔɔn chee na. Aa li gee u ke maah gee Israel aanib pu na, aa mu tee lik kan, bi di bibaa tii ŋiwaa le ki gee ke bi li joo ŋisubil ŋi kuur na tii ŋiwaa ipiin.”

Hosea 8:2

Bi yin mi ke Baawumbɔr la, le ki bui ke bi ye maanib le ki nyi mi,

Amos 2:8

Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Amos 8:3

Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Sekaria 7:5

U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

Jemisi 4:3

Ni mee Uwumbɔr ke u tii nimi tiwan ni kaa ŋan u chee na, nima pu le naa kan. Ni mee u ki ban tiwan ni ga ku nimi aakpeek na la.

Jemisi 5:1

Nimi biwankpadam, ni li pel man. Ni li wii ki li kaani falaa u ga pii nimi na pu.

Bibɔjirb 9:27

Bi mɔmɔk nan nyan buen baasubil aasui aasar ni ki ti ker ŋisubil, le ki di ŋa ndaan, le ki ŋa njim. Bi nan koo baawaal aadiik ni, le ki ti jin ki nyun ndaan nima ki seei Abimelek.