Hosea 7:13 - Uwumbɔr aagbaŋ

¹³ “Baamɔfal junn a. Bi di mi lii le ki nyan mpuwɔb. Bi ga kuln. M ba ban ke m ter bi la, le bi mu aa dii mi mbamɔm.

Hosea 7:13 ပူးပေါင်းရင်းမြစ်များ

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Job Aagbaŋ 22:17

Binib bee le nan yii Uwumbɔr ki kpa lipobil ke waan ŋmaa ŋa bi nibaa.

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Aisaya 30:1

Uwumbɔr len ke, “Binib bi joo Juda aatiŋ na aamɔfal junn a; ba pu? bi yii maamɔb. Bi dii isan i maa mɔk bi na; le bi ni biken kpaani kimɔbaan ki maa tuk bi ke bi kpaan na, le ki moo joo titunwanbir kpae titunwanbir pu.

Aisaya 30:2

Bi chaa Ijipt aatiŋ ni ti ban nterm kaa puen baa mi waahr. Bi ban ke Ijipt yaab li kii bi, kina pu na, bi di naadii tii Ijipt aabɔrkpaan.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 63:8

Uwumbɔr bui ke, “Bi ye maanib la; baan ŋmann mi.”

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 42:20

ni bi tun taani sakpiin la. Ni bui mi ke m mee Tidindaan Uwumbɔr tii nimi, le ki puu ke ni ga ŋa waah len pu na mɔmɔk.

Jeremia 51:9

Biwɔwɔm bi koo nima na bui ke, ‘Ti nan pɔɔn tibaa ke ti ter Babiloŋ yaab, tɔ, n‑yoonn mu nan jer. Cha ti di cha bi ki gir kun man. Uwumbɔr di waapɔɔn mɔmɔk le daa Babiloŋ aatafal le ki kuln ki kookoo.’”

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 16:23

Aadindaan Uwumbɔr nan len ke, “Saamɔfal junn a. Li junn a. Aa tun titunwanbir timina mɔmɔk,

Esekiel 18:2

ki bui ke, “Binib aah ŋakl liyataŋakl li ki gir ŋakl Israel aatiŋ pu na ye ba aayataŋakl? ‘Tetiib le ŋman ŋisubil ŋi mɔɔn na, le ni nan tee mɔɔn baabim aamɔi ni.’”

Esekiel 18:25

“Tɔ, le ni len ke, ‘Uwumbɔr aah ŋani pu na aa ŋan.’ Nimi Israel yaab, li pel man. Ni dak ke maah ŋani pu na aa ŋan la aa? Nimi aawanŋar le aa ŋan.

Esekiel 34:6

Kina pu na, maapiih nan chuun kpak ŋigongon ŋi paa na, ni ŋijoo pu. I nan yaa ki bi kitiŋ kee mɔmɔk pu, le ubaa aa nyan ke u ban i, ubaa mu aa pɔɔn ubaa ke u ban kan i.

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Hosea 7:3

Uwumbɔr bui ke, “Binib joo baatunwanbir aakpokl le ŋmanni ubɔr ni waaninkpiib.

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Hosea 9:17

Maah dii Uwumbɔr u na ga yii waanib, baah kaa ŋun tii u pu na pu. Bi ga kpaln bichayiim le ŋitimbol ponn ni.

Jona 1:10

Jona nan ki tuk bi ke u bi san bɔrni Uwumbɔr la. Ijawaan nan chuu biŋɔŋaab ngbaan, le bi bui u ke, “Saah ŋa pu na aa ŋan kpala.”

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

1 Jɔnn 1:10

Ti yaa len ke taa tun titunwanbir kan, ti yin Uwumbɔr unyamɔndaan la. Waabɔr aa bi tisui ni.

Tibɔkpiirkaan 8:13

Le m kan libɔrwiin laani paacham, ki ŋun li teen mpɔɔn pu ke, “Uwumbɔr aatuuntiib bitaa bi gur kaa kee pii baakakaan na yaa pii kan, tibɔbir sakpenn ga lir dulnyaa aanib pu.”