Hosea 6:8 - Uwumbɔr aagbaŋ

⁸ Gilead ye kitiŋ ki gbii titunwanbirdam ni binikurb na la.

Hosea 6:8 ပူးပေါင်းရင်းမြစ်များ

2 Samuel 20:8

Baah ti fuu Gibeonn aatakpasakpeln na chee na, le bi kan Amasa nima. Joab nan gor ki kii butɔb la, ki di kijaak aajuk ki bi kaajufuuk ni na gbin uchaŋ ni, waagbapapaln pu. Waah nyan sil ni na, le ki chuu fuur lir kitiŋ.

2 Samuel 3:27

Abner aah fuu ni Hebronn aatiŋ ni na, le Joab di u nyan n‑gbaan, kitiŋ ngbaan aabisamɔb chee, ke waah ban u loon u chee tibɔr le na, le ki saa gbir upuul nima chee. Abner aah nan ku Joab aanaal Asahel pu na, le Joab mu ku u.

1 Bibɔrb 2:5

“Tibɔr tibaa ki bi ki kpee. Aa teer Joab aah nan ŋa mi tiwan ni na. U nan ku Israel aajab aaninkpiib bilee: bima le ye Ner aajapɔɔn Abner, ni Jeter aajapɔɔn Amasa. Aa nyi ke u nan ku bi nsuudoon aayoonn, ke u di teen baah nan ku binib butɔb yoonn pu na. U nan ku binib bi kaa tun taani na, le min le ye waah tun taani u na aabɔr, le ki ki jin kina aafalaa.

Ilahn 10:8

U joo ubaa bɔrni itingbaan ni la, ki kii ke u keln maa‑kpa‑taani‑dam ki ku bi. U pekr lik binib bi kaa kpa uteter na,

Ilahn 141:4

Li kii mi aan m taa li neen ke m tun taani, ki li kii mi m taa kpaan titunwanbirdam chee baabiin aatuln ni. Taa cha m kpaan bi chee baajim ponn ni.

Ilahn 59:2

Gaa mi titunwanbirdam chee lii; Chuu gaa mi binikurb chee lii.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 5:1

“Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Lituln 25:3

ke u pɔɔn ubaa ki tun binib bi ti yoor ni Pɔɔl ki di dan Jerusalem. Bi nan puen kpokl ke u yaa choo kan, bi ga ku u nsan ponn ni.

Josua 21:38

Gad aanibol aapepel wɔb, bi nan nyan ntim munaa le tii bi, muma le nan ye Ramof aatiŋ ki nan bi Gilead ni na, ni kaamopɔɔk, ki nan ye mbɔbɔryaan aatiŋ kibaa la, ni Mahanaim,