Hosea 6:5 - Uwumbɔr aagbaŋ

⁵ Kina pu le m di maah ga daa nitafal ki kuln nimi pu na tun ni maabɔnabr. Maah ban pu ni chee na aa duk kpala:

Hosea 6:5 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

1 Bibɔrb 14:6

Tɔ, Ahija aah ŋun u bi koo ni na, le u bui ke, “Koo ni, m nyi ke sin Jeroboam aapuu ye. Ba ŋa aa bi ŋmanni ke aa ye uniyayan ubaa la? Maah kpa tibɔr ti m di tii si na aa ŋan.

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 18:17

Ahab aah ti kan u na, le u bui u ke, “Sin le na aa? Israel yaab aabɔbankpaan.”

1 Bibɔrb 19:17

Unii umɔk san ŋmar Hasael chee na, Jehu ga ku udaan, u mu san ŋmar Jehu chee na, Elaisa ga ku udaan.

2 Bibɔrb 1:16

le ki ti bui u ke, “Uwumbɔr aah len pu na sɔ: ‘Saah tun binib ke bi ti buu Ekronn aatiŋ ni aawaal Baal‑Sebub chee tibɔɔr ke Uwumbɔr le aah kaa bi Israel aatiŋ pu aan aa ga baa u chee na, saan fii saabunbunn tee pu; aa ga kpo.’”

2 Bibɔrb Aabɔr 21:12

Uwumbɔr aabɔnabr Elaija nan ŋmee kigbaŋ tii Jehoram. Kigbaŋ ngbaan aah nan len pu na sɔ: “Saah kaa dii aate, Ubɔr Jehosafat, bee aayaaja, Ubɔr Asa aasan pu na, Uwumbɔr u ye aayaaja David Aadindaan na len ke saabɔr bii a.

Job Aagbaŋ 15:30

le waan ŋmaa san ŋmar mbɔmbɔɔn chee. U ga li naahn busub bu aabon wun mmii, aan libuln daa bu aapuun buen na la.

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Ilahn 119:120

M san sin le ijawaan; saakaal pu le ijawaan joo mi.

Ilahn 37:6

U ga cha saah ŋan pu na li wiin ke nwiin pu aawiin na.

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Jeremia 1:10

Din wee, m tii si mpɔɔn ŋitimbol ni nnaan pu ke aa ber, ki tur ŋi lii, ki nyaŋ ki kuln ŋi, ki ki maa ki siin ŋi.”

Jeremia 1:18

Jeremia, li pel. Kitiŋ kee pu aanib mɔmɔk—Juda aabɔrb, ni bininkpiib, ni bitotoorb, ga li kpak si. Tɔ, din wee le m bi tii si mpɔɔn mu aa ga di sil kiir bi na; aa ga li bi ke kitiŋ ki bi maa ŋigon kiir ki na la, ki naahn tikur aagoln, ki bi ke tikumann aagoln na. Baan ŋmaa nyaŋ si, ba pu? m ga li bi aa chee ki kiir si. Min Uwumbɔr le len kina.”

Jeremia 13:13

Le aa ga bui ke min Uwumbɔr ga cha kitiŋ kee aanib mɔmɔk nyu ndaan ki ti gbii; bibɔrb bi ye David aayaabitiib na, ni bitotoorb, ni maabɔnabtiib, ni Jerusalem aanib mɔmɔk ga nyu gbii.

Jeremia 23:29

Maabɔr naan mmii la, ki bi ke ligagaar li wiil ŋitakpal yuk yuk na la.

Esekiel 11:4

Tɔ, unibɔn, len tibɔbir lii bi pu.”

Esekiel 3:9

M ga cha aa li nyal baa ke litakpal na, ki li pɔɔ ke litakpanyaan na; taa li san bimɔyiib ngbaan ijawaan.”

Esekiel 32:18

U nan bui ke, “Unibɔn, li wii Ijipt aanib mɔmɔk pu. Di bi ni ŋitimbol ŋi kpa mpɔɔn sakpen na buen kitekpiitiŋ ni.”

Esekiel 43:3

Tidaŋ aawan ngbaan bi ke maah nan kan ni aan Uwumbɔr choo u nan kuln Jerusalem aatiŋ na, ni maah ti kan ni mu Kebar Aamɔɔl chee na la. M nan tar lir kitiŋ lichichikr.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Lituln 7:31

Moses aah kan ni na, le ni gar u pam. Le u foor mal mmii ngbaan u ti lik. Waah foor mal mu na, le u ŋun Uwumbɔr aaneel len ke,

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Efesusi 6:17

ki li chik tikur aayikpupuk ki ye Uwumbɔr aapɔɔn mu gaa nimi lii na; ki yoor Uwumbɔr aabɔr ti naahn kijaak aajuk ki Waafuur Nyaan di tii timi na;

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Tibɔkpiirkaan 1:16

Le u joo iŋmabi ilole uŋangii ni. Kijaak aajuk ki ka ŋipepel mɔmɔk ŋilee na mu bi umɔb ni. Unimbil wɔb wiin chain, ke nwiin aah wiin chain pu nwiin pu na.

Tibɔkpiirkaan 2:16

Nima pu na, kpeln nimi aabimbin man. Ni yaa kaa kpeln nimi aabimbin kan, m ga fuu ni mala, ki di kijaak aajuk ki bi mmɔb ni na jan binib ngbaan.

Tibɔkpiirkaan 9:15

Le u chuu gbiln Uwumbɔr aatuuntiib binaa ngbaan lii. Uwumbɔr le gor bi, ki siin bi libiln, ni uŋmal, ni nwiin, ni kikurk ki bi ga di ku binib ligetatar na.

Tibɔkpiirkaan 9:21

Binib ngbaan beenin ku binib, ki ji inyɔk, ki gɔr kidagook, ki su kinaayuk, kaa kpeln baabimbin.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.

1 Samuel 15:32

Le Samuel bui u ke, “Li joo ni man Ubɔr Agag m chee do.” Le Agag u bi nan buu u tikululn na dan u chee, ki nan bi dakl usui ni ke, “Bi ga ku mi dandana wee ee?”

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.