Hosea 6:1 - Uwumbɔr aagbaŋ

¹ Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Hosea 6:1 ပူးပေါင်းရင်းမြစ်များ

2 Bibɔrb Aabɔr 30:6

Ubɔr ni waaninkpiib nan cha ituun nyan buen Juda ni Israel yaab aatim mɔmɔk ki joo nnyim aabɔr tee: “Israel aanib, ni ŋmar Asiria yaab aah gaa kitiŋ pu na ni. Tɔ, gir ni man Abraham, ni Aisak, ni Jakob Aadindaan Uwumbɔr chee, le u mu ga gir ni ni chee.

Job Aagbaŋ 16:9

Uwumbɔr aaŋuul ni, le u dar par mi iŋaal ni ŋitaa; u joo kinanaŋ le lik mi.

Job Aagbaŋ 22:23

Mbamɔn, gbaan aataŋaayil pu ki gir Uwumbɔr chee, ki kuln titunwanbir ti mɔmɔk ŋa saadichal ni na.

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Job Aagbaŋ 5:18

Uwumbɔr poo ibuun i u tii na; uma aaŋaal le tii si titotonn, le ki ki tii si laafee.

Ilahn 30:7

Uwumbɔr, aa nan kpa m pu tiŋann; aa nan kii mi ke lijool pu aatiŋ ki kpa mpɔɔn na la. Tɔ, le aa nan ki di aabaa bɔr mi, le ijawaan chuu mi.

Ilahn 6:2

Uwumbɔr, nwon mɔmɔk kpo a, san mi kinimbaak. M bak sakpen a; pɔɔk ntaakpab,

Ilahn 71:20

Aa cha tibɔbir ni falaa dan m pu, le aa ga ki giin ni maapɔɔn, saan cha m kpo.

Ulandaan 3:3

tiwan aakum aayoonn bi, le tiwan aatem aayoonn mu bi, tiwan aabern aayoonn bi, le tiwan aamaam aayoonn mu bi.

Aisaya 17:7

Nwiin ngbaan daal yaa fuu ni kan, binib ga fenn ki ban nterm u naan bi na chee; uma le ye Israel yaab Aawumbɔr u bi chain na.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 30:12

Uwumbɔr ki bui waanib ke, “Nimi aabuun aa kpa ke i yann, nimi aatotonn aan doo.

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 33:6

Tɔ, m tee ga tii kitiŋ kee, ni kaanib lifuur, ki cha bi ki li kpa laafee. M ga tii bi nsuudoon mu ga yunn na, ni ŋŋmarm.

Jeremia 50:4

Uwumbɔr nan bui ke, “N‑yoonn ngbaan yaa nan fuu ni kan, Israel ni Juda aanib mɔmɔk ga wii ban mi, Baawumbɔr.

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Inandalahn 3:11

U nan jenn mi koon timoor ni, ki ti daa par mi, ki siir cha mi nima chee.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Liifai Yaab 14:48

N‑yoonn mu bi pɔkr ponn ni aagoln ngbaan ki gir pɔn na, nee aapuwɔb, utotoor yaa koo u ti lik, ki kan ke lipɔpɔl aa ki gir nyan kan, u len ke lidichal ngbaan ŋa chain a, ba pu? lipɔpɔl ngbaan aa ki bi, baah pɔkr titan na, bi nyan lipɔpɔl doo a.

Sefania 2:1

Ŋa nlan, sin maasanimɔɔn aatimbol,

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

1 Samuel 2:6

Uwumbɔr ku la, le ki ki tii limɔfal; u cha binib chaa kitekpiitiŋ ni, le ki tii binib limɔfal.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”