Hosea 5:8 - Uwumbɔr aagbaŋ

⁸ Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 5:8 ပူးပေါင်းရင်းမြစ်များ

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

1 Bibɔrb 12:29

U nan di unaajabo naankee ubaa siin Betel aatiŋ ni, le ki di uken na mu siin Dann aatiŋ ni.

Aisaya 10:29

Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Jeremia 4:5

Pii ikpiin kitiŋ kee mɔmɔk pu man. Teen mpɔɔn pu aan unii mɔmɔk ŋun. Tuk Juda ni Jerusalem aanib libiil li choo Juda pu na ke bi san buen ntim mu bi maa ŋigon gob mu na ni.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:15

Pii kakaan Sionn aajool paab man; cha binib mɔmɔk lul bumɔb ki kuun bi mɔmɔk kpaan.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Bibɔjirb 5:14

Bi nan nyan ni Efraim aatiŋ ni, ki sunn ni kifataŋ ni, ki paa Benjaminn aanibol, ni laanib pu. Bijab aaninkpiib ngbaan nan nyan ni Makir aataŋaal pu, le biyidam nyan Sebulunn aanibol ni.

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.

1 Samuel 8:4

Le Israel aayidam mɔmɔk kuun tɔb, ki di buen Samuel chee Rama aatiŋ ni,