Hosea 5:4 - Uwumbɔr aagbaŋ

⁴ Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Hosea 5:4 ပူးပေါင်းရင်းမြစ်များ

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 50:38

Cha nweel dan kaatiŋ pu, ki foor kaamɔɔ. Babiloŋ ye kitiŋ ki kpa ijawaan aawaa na la, ŋima le ŋmann binib ngbaan.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Hosea 13:13

Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 4:11

Uwumbɔr bui ke, “Ndakpok ni ndapɔm le gaa maanib aalan.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Hosea 8:11

“Israel aanib aah moo maa kitork aabimbin ke bi kan titunwanbir aachapinn na, kina le bi moo kani nin chee bi ga tun titunwanbir na.

Jɔnn 16:3

Baa nyi Nte Uwumbɔr, kaa nyi m mu. Nima le ga cha bi ŋa nimi kina.

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,