Hosea 5:3 - Uwumbɔr aagbaŋ

³ M nyi Israel aah bi pu na, waan ŋmaa bɔr mi. U nyan mpuwɔb, le waanib aa ŋeer ke bi li dooni mi.”

Hosea 5:3 ပူးပေါင်းရင်းမြစ်များ

Aisaya 7:16

Waahr aan n‑yoonn ngbaan nin fuu ni na, bibɔrb bilee bi faani nimi na aatim ga kpaln tilangbenn la.

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Aisaya 7:5

Siria ni Israel yaab aabɔrkpaam kpaan le ki kpokl.

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Hosea 13:5

M nan kpiin nimi nteersakpiin mu aatiŋ kuun na ni.

Hosea 5:11

Israel yaab bi ji limukl aafalaa la, ki lann kitiŋ ki nan ye bibaa aatiŋ na, ba pu? bi nan si chaa ti ban nterm binib bi kaan ŋmaa ter bi na chee la.

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 5:9

Ntafadaan aawiin choo, le Israel aatiŋ ga ber. Israel aanib, nimina ga sil ŋa.

Hosea 6:10

M kan tibɔbir tibaa Israel aatiŋ ni: tima le ye ke maanib Israel yaab bii bibaa le ki dooni ŋiwaa.

Hosea 6:4

Le Uwumbɔr bui ke, “Israel ni Juda yaab, m ga ki ŋa nimi kinye? Naah kpa ngeehm mu m pu na fir mala ke kichakpiik ni aakpakpal na la, ki naahn limaln li fir nchakpawiin pu na.

Hosea 8:11

“Israel aanib aah moo maa kitork aabimbin ke bi kan titunwanbir aachapinn na, kina le bi moo kani nin chee bi ga tun titunwanbir na.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 3:15

M nyi naah tun pu na; naa soon kaa ton mu; m ba ga li gee ke ni li soon, bee ni li ton.