Hosea 5:2 - Uwumbɔr aagbaŋ

² le ki ye libuusakpeln Sitim aatiŋ ponn ni, le m ga daa ni mɔmɔk aatafal.

Hosea 5:2 ပူးပေါင်းရင်းမြစ်များ

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 6:28

Bi mɔmɔk ye maaŋuntafaldam bi kaa si unii aachaŋ ni na la, bitafal pɔɔ ke tikumann ni tikur na la. Bi mɔmɔk ji binib la, le ki chuun joo biken aabɔr mooni.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 6:5

Kina pu le m di maah ga daa nitafal ki kuln nimi pu na tun ni maabɔnabr. Maah ban pu ni chee na aa duk kpala:

Hosea 6:9

Bitotoorb na bi ke kinaayupaak ki ti dɔ nsan ni kiir unii na la. Hali bi yaa cha Sekem aatiŋ ki bi chain na ni kan, bi ku binib nsan ni la. Bi po nyi le ki tun titunwanbir timina mɔmɔk.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.