Hosea 5:15 - Uwumbɔr aagbaŋ

¹⁵ “M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Hosea 5:15 ပူးပေါင်းရင်းမြစ်များ

Mpiin 42:21

le ki bui tɔb ke, “Mbamɔn, taah nan ŋa tinaal bakaa u na, ti bi ji waafalaa le din wee na; ti nan kan waafalaa buyoonn u nan gaŋ timi waamɔfal pu na, le ti yii, kaa ter u. Nima pu le dandana wee ti bi ji falaa umina.”

2 Bibɔrb Aabɔr 7:14

aan bi yaa mee limeel m chee ki kpeln baabimbin ki yii baah tun titunwanbir ti na kan, le m ga li bi paacham ki ŋun baameel ngbaan, ki di baatunwanbir cha pinn bi, ki ki cha baatiŋ ŋa tinyoor.

Job Aagbaŋ 33:27

Le u ga sil binib ni ki len ke, “M tun titunwanbir. Maa tun ni ŋan na, le Uwumbɔr tee di cha pinn mi.

Ilahn 107:13

Le baamukl ponn ni bi yin Uwumbɔr, le u nyan bi baafalaa ngbaan ni.

Ilahn 107:19

Le baamukl ponn ni bi yin Uwumbɔr, le u nyan bi baafalaa ni.

Ilahn 107:28

Le baamukl ponn ni bi yin Uwumbɔr, le u nyan bi baafalaa ni.

Ilahn 107:6

Le baamukl ni, bi yin Uwumbɔr, le u nyan bi baafalaa ngbaan ni.

Ilahn 132:14

u len ke, “Do le m ga li bi n‑yoonn mɔmɔk, do le m ban ke m li joo maanib.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 78:34

Buyoonn u ti ku bi ponn bibaa na, le bi gur na tee fenn gir ni u chee, ki yii titunwanbir ki di bisui mɔmɔk mee u.

Ilahn 83:16

Uwumbɔr, cha bi kpaln binimɔɔndam, ki cha bi bee saah kpa mpɔɔn pu na.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Aisaya 26:21

Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Aisaya 26:9

Maah gee si pu na, m wii kinyeek ki ban si; aa yaa ji kitiŋ kee ni kaanib tibɔr kan, bi ga bae ibamɔn aah ye pu na.

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Inandalahn 3:40

Cha ti lik tibaa aabimbin suuna man ki gir ni Uwumbɔr chee.

Esekiel 10:4

Nwiihn mu deer ŋinimbil ki mɔk ke Uwumbɔr bi nima chee na nan fii tiwan ni kpa ifeen ngbaan na chee ki ti sil Uwumbɔr Aadichal aabisamɔb chee. Ntaalangbam na nan ti gbiin Lidichal ngbaan, le lichiln ni mɔmɔk woln chain.

Esekiel 11:23

Nwiihn mu deer ŋinimbil ngbaan na nan nyan kitiŋ ngbaan ni, le ki di buen lijool li bi kitiŋ ngbaan aawipuul wɔb na pu.

Esekiel 20:43

N‑yoonn ngbaan le ni ga teer naah nan dii pu ki ŋani tiwan ni tii nibaa tijɔŋ na bɔr. Le niponn ni ga li sukr nibaa pu, naah nan tun titunwanbir ti mɔmɔk na pu.

Esekiel 36:31

Ni ga teer nimi aatunwanbir, ni taani u ni ŋa na, le niponn ni ga li sukr nibaa pu, naah tun titunwanbir, ni mbiin mu ni ŋa na pu.

Esekiel 6:9

nin chee bi ga li bi tinaagbiir ni na. Nima le bi ga ti teer mbɔr ki bee ke min le daa bitafal ki jinn bi inimɔɔn, bisui i kaa ŋani maah len pu na, ki yii mi ki labr dii ŋiwaa na pu. Baah tun titunwanbir ki ŋani tiwan ni bii binib aayimbil na pu, le biponn ni ga li sukr bibaa pu.

Esekiel 8:6

Uwumbɔr nan ki bui mi ke, “Unibɔn, aa kan tiwan ni bi ŋani na aa? Lik Israel aanib aah ŋani tiwan ni sukr ponn ni do pu, ki moo jenni mi maabuul li bi chain na chee na. Aa ga kan inimɔɔn aawan ni jer nimina na.”

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Maika 1:3

Uwumbɔr ga nya ni waabuul li bi chain na ni le ki dan; u ga sunn ni ki nan chuun ŋijoo paab.

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Bibɔjirb 4:3

Jabinn nan kpa itaan aah dar tɔroku tiib bi na ikui iwae la, le ki nan joo mbiin muk Israel aanib, ki ti saa ŋibin moninko. Le Israel aanib wii yin Uwumbɔr, ki ban nterm.