Hosea 5:13 - Uwumbɔr aagbaŋ

¹³ “Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 5:13 ပူးပေါင်းရင်းမြစ်များ

2 Bibɔrb 15:19

Asiria aatiŋ aabɔrkpaan Tiglaf Pileser nan koo ni Israel aatiŋ ni, le Menahem tii u tikunabr ti aanyunyuun ga pii njikaabim kuruwaa ŋichur piitaa ni ŋinaa aanyunyuun na ke u ter u ki tii u mpɔɔn Israel aatiŋ pu.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 16:7

Ahas nan di inaŋ tun Asiria aatiŋ aabɔrkpaan Tiglaf Pileser chee ke: “M ye saatutunn u kii tii si mbamɔm na la. Dan nan gaa mi Siria yaab aabɔr, ni Israel yaab aabɔr bi bi tak mi na chee lii.”

Aisaya 3:7

Le u ga bui ke, “Naa ye min. Maan ŋmaa ter nimi. Maa kpa tijikaar, bee tiwanpeenkaan. Taa di mi ŋa nimi aaninkpel man.”

Jeremia 30:12

Uwumbɔr ki bui waanib ke, “Nimi aabuun aa kpa ke i yann, nimi aatotonn aan doo.

Esekiel 23:5

Ohola nan ye mpuu, le ki mu beenin ye udagoor, ki neen ubɔtiib bi nyan ni Asiria aatiŋ ni na.

Hosea 10:6

Bi ga di liwaal ngbaan buen ti pa Asiria aabɔrkpaan. Israel yaab aah dii nsurm mu na pu le bi ga ji inimɔɔn ki kpaln binimɔɔnib.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 2:7

U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Hosea 8:9

ki kpa tafalaaŋun ke iŋoob na. Israel aanib bi bibaa pu la. Bi buen Asiria aatiŋ pu ti ban nterm, le ki pan ŋitimbol ŋiken ŋimombil ke ŋi ter bi.

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”