Hosea 5:1 - Uwumbɔr aagbaŋ

¹ “Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Hosea 5:1 ပူးပေါင်းရင်းမြစ်များ

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 13:18

Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Hosea 10:15

Betel aatiŋ aanib, kina ga ŋa nimi, naah tun titunwanbir sakpen ti na pu. Butɔb aah ga piin buyoonn na, le Israel yaab aabɔr ga kpo.”

Hosea 13:8

M ga tak nimi ke kipeewanbiik ki aabim wɔŋ na, le ki daa par nimi. M ga di nimi ŋmɔ mala ke uchinn na libuul ngbaan ni, ki daa par par nimi ke kipeewanbiik na.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 6:9

Bitotoorb na bi ke kinaayupaak ki ti dɔ nsan ni kiir unii na la. Hali bi yaa cha Sekem aatiŋ ki bi chain na ni kan, bi ku binib nsan ni la. Bi po nyi le ki tun titunwanbir timina mɔmɔk.

Hosea 9:8

Uwumbɔr tun ni mi ke ubɔnabr na, ke m nan sak waanib Israel yaab. Le m yaa buen nimɔk na kan, ni pɔɔni nibaa ke ni chuu mi ke unyoon na. Uwumbɔr Aadichal ni aanib aadin le ye uma Uwumbɔr aabɔnabr.

Joel 1:2

Li pel mbamɔm man, nimi bininkpiib, ni binib bi mɔmɔk bi Juda aatiŋ ni na, ni li pel. Naah fii ki pii nitetiib ni nimi aayoonn na, tiwan nimina aaboln kee ŋa ni kan ni ii?

Amos 3:1

Israel yaab, linibomɔln li Uwumbɔr nyan li Ijipt aatiŋ ni na, li pel man nimi aabɔr ti u len na.

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Maika 3:1

Nimi bi ye Israel yaab aajojoob na, li pel man. Nimi aatuln le ba ye ke ni li dii ibamɔn,

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 2:1

Uwumbɔr Mpɔɔnsakpiindaan bui bitotoorb ke, “Nkaal mumina ye nimi yoo la.

Bibɔjirb 4:12

Sisera aah ŋun ke Barak bi Tabor Aajool pu na,

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

1 Samuel 7:16

Libiln mɔmɔk ni kan, u nan chuun ki manni Betel, ni Gilgal, ni Mispa, ki toor binib bi kpa tɔb tibɔr na aakaasisik ni,

1 Samuel 7:5

Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”

1 Samuel 7:6

Kina pu le bi mɔmɔk kuun Mispa ni. Bi nan ban nnyun le ki kpir tii Uwumbɔr, le ki lul bumɔb liyaadaal, nwiin ti lir. Bi nan len ke, “Ti tun Uwumbɔr titunwanbir.” Mispa ni, nima chee, le Samuel nan toor Israel yaab bi nan kpa tɔb tibɔr na aakaasisik ni.