Hosea 4:9 - Uwumbɔr aagbaŋ

⁹ Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.

Hosea 4:9 ပူးပေါင်းရင်းမြစ်များ

Ŋiyataŋak 11:31

Bininyaam kani baapar dulnyaa ni do la, kina pu na, li nyi gbin gbin ke mbiindam ni titunwanbirdam ga kan ntafadaan.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Aisaya 24:2

Unibɔn mɔmɔk ga ji falaa baan la: Uwumbɔr aatotoorb, ni binib, ni binaagbiib ni baaninkpiib, ni binib bi daa na, ni bi kooh na, ni binib bi pinni tiwan na, ni binib bi kpa ki pinni tii bi kaa kpa na, ni biwankpadam ni bigiim, bi mɔmɔk ga ji falaa baan.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Esekiel 44:10

Uwumbɔr nan ki bui mi ke, “M ban m daa Liifai yaab ni Israel aanib bi gur ki nan yii mi ki dooni ŋiwaa na aatafal la.

Esekiel 44:12

Tɔ, min Bidindaan Uwumbɔr puu tipuur kpaan ke baah nan toor ŋiwaa aatork tii Israel aanib, ki di bi koon titunwanbir aatun ni na, see bi kan ntafadaan.

Hosea 1:4

le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Hosea 10:10

M ga pii titunwanbirdam bimina ki daa bitafal. Ŋitimbol ga kpaan ki tak bi, le m ga daa bitafal, baah tun titunwanbir sakpen pu na pu.

Hosea 12:2

Uwumbɔr kpa Juda aanib pu ngalm, le ki ga daa Israel aatiŋ aatafal, kaanib aatuln pu. U ga giin baah tun pu na le pa bi.

Hosea 12:3

Biyaaja Jakob ni ujaantɔ Esɔ nan mɔn, bi mɔmɔk bilee aah nan laa bi bina aaponn ni pu na; le Jakob aah nan chikr na, le u ni Uwumbɔr mɔn,

Hosea 7:2

Naa kee koo biyil ni ke m ga teer titunwanbir timina mɔmɔk; le baatunwanbir mann goln bi, le maan ŋmaa yii ke maa waa ti.”

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”