Hosea 4:2 - Uwumbɔr aagbaŋ

² Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 4:2 ပူးပေါင်းရင်းမြစ်များ

Mpiin 4:8

Le ni bi cha, le Kainn nan bui unaal Abel ke, [“Cha ti buen timoor ni.”] N‑yoonn mu bi bi timoor ni na, le u ti ku unaal Abel.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Jeremia 51:5

Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Jeremia 6:7

Liboln ni aah kpa nnyunpɔm pu na, kina le Jerusalem ni kpa titunwanbir pɔnn. M ŋun kijaak ni libiil pu kitiŋ ngbaan ni; m kani iween ni ibuun ŋmeen la.

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Esekiel 7:23

“Tiwan mɔmɔk gur bi yɔl yɔl la, le linikul gbii kitiŋ pu, le ntim ponn ni ye mbimbin mu pɔɔ na ŋmeen.

Hosea 10:13

Le ni yii ki di titunwanbir bun ki nan chee taanyoor. Ni jin nimi aanyamɔn aah joo ni pu na la. “Naah mak nimi aataan aatɔroku tiib, ni nimi aajab aawiwiir pu na,

Hosea 10:4

Bi len tibɔr ti kaa gbii na, ki puur tipuur kaa gbiini ti, ki ŋani inyamɔn aamɔbaan. Ibamɔn le kpaln inyamɔn, le ki moo kpae ke timoor ti kaa ŋan ki bi baah kon nkpaakon mu na ponn ni pu na.

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 12:14

Israel aanib cha Uwumbɔr aaŋuul fii ni ti nyaŋ, baatunwanbir ŋeer nkun la. Uwumbɔr ga daa bitafal titunwanbir ti bi di tii u na pu.

Hosea 5:2

le ki ye libuusakpeln Sitim aatiŋ ponn ni, le m ga daa ni mɔmɔk aatafal.

Hosea 6:8

Gilead ye kitiŋ ki gbii titunwanbirdam ni binikurb na la.

Hosea 6:9

Bitotoorb na bi ke kinaayupaak ki ti dɔ nsan ni kiir unii na la. Hali bi yaa cha Sekem aatiŋ ki bi chain na ni kan, bi ku binib nsan ni la. Bi po nyi le ki tun titunwanbir timina mɔmɔk.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Hosea 7:3

Uwumbɔr bui ke, “Binib joo baatunwanbir aakpokl le ŋmanni ubɔr ni waaninkpiib.

Hosea 7:4

Bi mɔmɔk ye nchakpokjum, le kaa si ubɔr aachaŋ ni. Baabiin nyakr ke baah pu boroboro nin chee na aamii mu unii u pu boroboro na aa tur mu ŋani ke boroboro ti nin ŋeer buyoonn u ga pu u na la.

Maika 3:2

le ni nan tiwan ni ŋan na, ki tee gee titunwanbir. Maanib aa kee kpoi le ni sun baagban ki dar lui baanann baakpab pu.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 6:10

Titunwanbirdam aadichal ni gbii liwangol li bi di titunwanbir kan na la. Baah joo tiwan ni ŋaŋni baawan na aa ye nibamɔnn. Maa gee kina kpala.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Sefania 3:1

Jerusalem, kitiŋ ki tun beebee aatuln ki muk kibaa aanib na kuln a.

Sekaria 5:3

Le u bui mi ke, “Tibɔbir le ŋmee ki pu ke ki di buen kitiŋ kee mɔmɔk pu. Lipepel libaa pu aapuun ye le ke Uwumbɔr ga kuln unaayuk mɔmɔk; le lipepel liken na pu ŋmee ke u ga kuln unii umɔk puur tipuur ki geei inyamɔn na.

Sekaria 7:9

“N‑yaayoonn na le m nan di ikaal imina tii maanib. Ima le ye ke: ‘Ni cha ibamɔn li bi, ki li gee tɔb ki san tɔb kinimbaak.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

Ikaal 5:11

“‘Ni taa yin maayimbil fam fam; min Nidindaan Uwumbɔr ga daa unii u yin maayimbil fam fam na aatafal.

Ikaal 5:18

“‘Aa taa gɔr kidagook.

Ikaal 5:19

“‘Aa taa su kinaayuk.

1 Tesalonika 2:15

Bima Juu yaab nan ku Uwumbɔr aabɔnabtiib ni Tidindaan Yesu mu, ki jenn nyan timi mu. Baa piir Uwumbɔr aasui. Bi ye binib mɔmɔk aadim la,

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.