Hosea 4:16 - Uwumbɔr aagbaŋ

¹⁶ Israel aanib aatafal pɔɔ ke uŋoob na la. Maan kpiin bi mmoŋmɔpaan ni ke ipihbi na.

Hosea 4:16 ပူးပေါင်းရင်းမြစ်များ

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Aisaya 22:18

U ga yoor si ke litakpal na ki di mee lii litingbaln li wiir sakpen na ni. Aa ga kpo nima chee, itaan aatɔroku tiib bi aa kpa kipupuk bi pu na chee. Aa jinni saadichandaan inimɔɔn la.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 5:17

Ntim mu kpaln tilangbenn na ni, le ipiih ga ŋmɔ timoor aan iŋoob mu kan yaamoŋmɔpaan.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 3:11

Le Uwumbɔr nan bui mi ke u nyi ke Israel yaab fenn bipuwɔb tii u, bi mu tee soor Juda yaab bi nya upuwɔb na.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Hosea 10:11

“Israel nan bi n‑yoonn mubaa ke unaasal u bi bae tiwan mbamɔm na la, le ki gor kii ke u poi idi. Le m nan di ndɔ puin usil mu ŋan na pu, le ki di iŋmin pui u ke u tun lituln li pɔɔ jer kina na. M cha Juda dar ŋikujal, le ki cha Israel dar nkucham.

Hosea 11:6

Butɔb ga ŋar baatim ŋŋaan ki gbaa wɔi mu aagon aabisamɔi. Maanib aah ŋani bibaa aageehn aatuln li na le ga cha butɔb bii bi.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.