Hosea 4:15 - Uwumbɔr aagbaŋ

¹⁵ “Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 4:15 ပူးပေါင်းရင်းမြစ်များ

2 Bibɔrb Aabɔr 17:4

U nan dii ute Aawumbɔr la, le ki kii Uwumbɔr aakaal, kaa tun Israel yaab aabɔrb aah tun pu na.

2 Bibɔrb Aabɔr 21:11

U nan kpaan maa baah dooni ŋiwaa nin chee na Juda aagongon aatim ni, ki cha Juda ni Jerusalem aanib tun Uwumbɔr titunwanbir.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Jeremia 44:26

Tɔ, li pel man tipuur ti min Uwumbɔr di maayimbikpaan puu tii nimi Israel yaab bi mɔmɔk koo Ijipt aatiŋ ni na. Maan ki cha ni ponn ni ubaa puu tipuur maayimbil pu ke, ‘M puu Uwumbɔr u bi kaa kpa ŋeen aatɔ na pu.’

Jeremia 5:2

Ni bui ke ni dooni Uwumbɔr la, le nisui aa joo kina.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Amos 6:10

Utekpel aado yoo, u yeh waakpuul na, le ga yoor linikpol ngbaan nyan lidichal ngbaan ni. Udo yoo ngbaan ga yin unii umɔk gur lidichal ngbaan ni na ki baa ke, “Unii ubaa ki gur ki bi aa chee ee?” Le nneel ga kii ke, “Aayii.” Le udo yoo ngbaan ga bui ke, “Li ŋmin suuna. Ti ga chuu tibaa le ki taa ki yin Uwumbɔr aayimbil.”

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Efesusi 5:11

Ni taa kpaan binib bi bi mbɔmbɔɔn ni ki tun yɔl yɔl na chee man. Ni tee li sur bi man.

Josua 5:9

Le Uwumbɔr bui Josua ke, “Din wee, m nyan Ijipt yaab aanaagbiir aanimɔɔn ni pu.” Nima pu le bi yin kitiŋ ngbaan ke Gilgal, bi laa beenin yin kitiŋ ngbaan kina la.

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,