Hosea 4:14 - Uwumbɔr aagbaŋ

¹⁴ Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 4:14 ပူးပေါင်းရင်းမြစ်များ

1 Bibɔrb 15:12

U nan jenn nyan bipiib ni bijab bi mɔmɔk nan joo biwon kooh nin chee bi nan dooni ŋiwaa na kitiŋ ngbaan pu, le ki nyan ŋiwaa ŋi mɔmɔk uyaajatiib nan naan naan na.

2 Bibɔrb 23:7

U nan ber binib bi nan joo bibaa kooh tiwaadir ngbaan ni na aakookoo yaan. Nima chee le bipiib nan luu tiwanpeenkaan ni bi joo dooni liwaapii Asera na.

Ŋiyataŋak 28:5

Titunwanbirdam aa nyi ibamɔn, le binib bi dii Uwumbɔr na ma beer ibamɔn mbamɔm.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Daniel 12:10

Uwumbɔr ga toor binib pam ki nya bi tijɔŋ ni aan bi ŋa chain. Binib bi kpa mbiin na aan bee taatataa le ki ga li moo ŋani mbiin; binib bi kpa nlan na baanja le ga bee taatataa.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 4:17

Ŋiwaa le chuu Israel aanib. Cha bi li dii baah gee nsan mu na.

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Amos 7:17

Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Nkahm 25:3

le ki dooni Peor yaab aawaal li bi yin li ke Baal na. Nima pu na, Uwumbɔr nan gee liŋuul bi pu,

Jɔnn 8:43

Ba ŋa naa bee maah len pu na aatataa? Ni ye ke naa gee ke ni ŋun maaliin la.

Rom Yaab 3:11

ubaa aa kpa nlan, ubaa aa ban Uwumbɔr,

1 Korenti 6:16

Naa nyi ke unii u doon upiidagoor chee na, bi kpaan tiwon tibaa la aa? Ba pu? Uwumbɔr Aagbaŋ len ke, “Upii ni uja yaa nyi tɔb kan, bi kpaa tiwon tibaa la.”

Efesusi 4:18

Binimbil aa woln. Bitafal aah pɔɔ pu na, le baa nyi Uwumbɔr. Nima le baa kpa limɔfal li Uwumbɔr tii timi na.

Ikaal 23:17

“Nimi Israel yaab ponn ni aaja, bee upii, taa ŋa liwaal libaa aamaakpayal.

Hiibru Yaab 12:8

Uwumbɔr yaa kaa daa nitafal, ke waah dar waabim mɔmɔk aatafal pu na kan, naa ye waabim, ni ye mbɔmbim le u chee.