Hosea 4:12 - Uwumbɔr aagbaŋ

¹² Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 4:12 ပူးပေါင်းရင်းမြစ်များ

2 Bibɔrb 17:7

Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

2 Bibɔrb Aabɔr 21:13

Aa tee fenn le ki dii Israel yaab aabɔrb aasan ki cha Juda ni Jerusalem aanib nyan Uwumbɔr aapuwɔb, ke Ahab ni bibɔrb bi nan loln u pu nsan na aah nan cha Israel aanib ŋa pu na. Hali aa kpaan ku aanaatiib bi nan ye binib ki jer si na.

Ilahn 106:39

Baatun nan cha bi ŋa bibaa tijɔŋdam, le kaa ki si Uwumbɔr aapuwɔb.

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 23:13

M kan bibɔnabr bi bi Samaria aatiŋ ni na aatunwanbir; bi joo Baal aayimbil le nabr tibɔr, le ki di maanib yenn.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Esekiel 21:21

Ubɔr ngbaan ga ti sil isayakr ngbaan. U ga dam tibɔɔr aapiin, ki baa waawaa chee, ki lik baah kɔr kiwakork ki na aapɔɔl, le ki bee waah ga dii nsan mu na.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Hosea 6:10

M kan tibɔbir tibaa Israel aatiŋ ni: tima le ye ke maanib Israel yaab bii bibaa le ki dooni ŋiwaa.

Hosea 9:1

Israel aanib, taa ki ji nimi aajim ke binib bi kaa nyi Uwumbɔr na aah ŋani pu na. Ni fenn nipuwɔb tii nimi Aawumbɔr le kaa keei waamɔb. Kitiŋ kee mɔmɔk pu, ni di nibaa kooh ke upiidagoor na le ki di tii liwaal Baal, le ki gee tijikaar ti ni dak ke u joo pa nimi na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

Liifai Yaab 20:5

min mbaa le ga daa uja ngbaan, ni waamaal, ni bimɔk kpee u pu ki doon liwaal Molek na aatafal. Baan ki li ye maanib ponn ni bibaa.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Bibɔjirb 18:5

Bi nan bui u ke, “Ŋaanii ki baa Uwumbɔr ke ti ga kan kinyaan timi aasachuln lee ni aan taan kan.”