Hosea 4:11 - Uwumbɔr aagbaŋ

¹¹ Uwumbɔr bui ke, “Ndakpok ni ndapɔm le gaa maanib aalan.

Hosea 4:11 ပူးပေါင်းရင်းမြစ်များ

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ŋiyataŋak 31:4

Lemuel, li pel. Naa ŋan ke bibɔrkpaam li nyu ndaan, bee bi li neen ndaan sakpen.

Ŋiyataŋak 6:32

Uja umɔk gɔr kidagook na aa kpa nlan kpala. U bi bii ubaa la.

Ulandaan 7:7

Unii u kpa nlan na yaa jin unii pem pem kan, u ŋani ke ujɔr na la. Aa yaa gaa igaŋgaŋlik kan, aa bii saabimbin le na.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 5:12

Nimi aajim ponn ni, ni gbaa tibar ni ichayakrtuun ki pee ŋiwul ki nyu ndaan, le kaa nyi Uwumbɔr aah ŋani pu na.

Jeremia 23:13

M kan bibɔnabr bi bi Samaria aatiŋ ni na aatunwanbir; bi joo Baal aayimbil le nabr tibɔr, le ki di maanib yenn.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Liifai Yaab 10:9

“Aa ni aajapɔtiib yaa nyun ŋisubil aadaan, bee ndaan muken na kan, ni taa koo ni Maabool ponn ni; ni yaa ŋa kina kan, ni ga kpo. Aa ni saamaal li joo nkaal mue kina cha n‑yoonn mɔmɔk.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

1 Samuel 25:36

Abigail nan gir kun Nabal u nan bi ji njim mu ŋeer ubɔr aajim na chee la. U nan nyun ndaan ki gbii, le ni mɔ u. Kina pu le waa nan bui u tibaa ki ti saa kichakpiik ni.