Hosea 4:10 - Uwumbɔr aagbaŋ

¹⁰ Bi yaa toor kitork kan, ni ga ji nimi yaan, ki mu aan bab. Ni ga li dii timar aawaa, ki mu aan li kpa mbim, ba pu? ni fenn nipuwɔb tii mi, le ki ti dii ŋiwaa.”

Hosea 4:10 ပူးပေါင်းရင်းမြစ်များ

2 Bibɔrb Aabɔr 24:17

Tɔ, Jehoyada aah kpo na, le Juda aasalolm ŋmann Joas ke u dii baah ban pu na.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 36:3

Waabɔlen ye mbiin ŋmeen, le ki gbii inyamɔn; waa ki kpa nlan, kaa ki ŋani tiwan ni ŋan na.

Ŋiyataŋak 13:25

Binib bi aabimbin ŋan na kpa sakpen bi ji, le bibiindam ma chuun nkon n‑yoonn mɔmɔk.

Jeremia 34:15

Iwiin ilee i jer na, ni nan kpeln nimi aalandak ki ŋa tiwan ni piir nsui na. Ni mɔmɔk nan kii ke ni di nimi aanaagbiib bi ye Israel yaab na lii, le ki puu tipuur nnimbiin ni, Maadichal li ponn ni bi dooni mi na.

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Esekiel 22:9

Saanib bibaa geei inyamɔn paani biken pu ke bi ku bi. Bibaa ji ŋiwaa aatork. Bibaa ŋani baakpeek aah ban pu na n‑yoonn mɔmɔk.

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 7:4

Bi mɔmɔk ye nchakpokjum, le kaa si ubɔr aachaŋ ni. Baabiin nyakr ke baah pu boroboro nin chee na aamii mu unii u pu boroboro na aa tur mu ŋani ke boroboro ti nin ŋeer buyoonn u ga pu u na la.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Maika 6:14

Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.