Hosea 4:1 - Uwumbɔr aagbaŋ

¹ Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 4:1 ပူးပေါင်းရင်းမြစ်များ

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

Ilahn 81:9

Ni taa ki doon liwaal libaa kpala.

Aisaya 1:10

Jerusalem yaab, nimi aayidam ni nimi aanib naahn Sodom ni Gomora yaab la. Li pel man Uwumbɔr aah bi tuk nimi pu na. Pel man mbamɔm Uwumbɔr aah bi mɔk nimi pu na.

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 28:14

Tɔ, nimi bigaadam bi joo Jerusalem aanib bimina na, li pel man Uwumbɔr aah len pu na.

Aisaya 34:1

Ŋitimbol mɔmɔk aanib, dan man. Kuun man tɔb chee ki pel. Cha kitiŋ kee, ni binib bi mɔmɔk bi ki pu na dan aan ki nan pel man.

Aisaya 34:8

N‑yoonn mue le ye n‑yoonn mu Uwumbɔr ga gaa Sionn aatiŋ lii ki daa baadim aatafal na.

Aisaya 5:3

Kina pu le njɔ bui ke, “Nimi bimɔk bi Jerusalem ni Juda na, lik man maasaak ngbaan aabɔr aan ki len ibamɔn.

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Aisaya 59:8

le unii umɔk bi nin chee ni bi na kan, udaan aa kee kan lifuur. Naah ŋani nimɔk na aa kpa ibamɔn. Ni dii nsan mu gɔr na la, le unii umɔk dii nsan ngbaan na aan kan lifuur.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 19:3

Uwumbɔr nan bui mi ke m len ke, “Juda aabɔrb, ni Jerusalem aanib, li pel man, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ban m joo ni tibɔbir nan lii libuul lee pu, le unii umɔk ŋun ti pu na aapobil ga yuk.

Jeremia 2:4

Nimi Jakob aayaabitiib, Israel aanibol, pel Uwumbɔr aabɔr man.

Jeremia 2:9

“Le min Uwumbɔr ga ki len maanib aah ŋani pu na. M ga tii biyaabitiib ngalm.

Jeremia 25:31

le kitiŋ aanaanmɔk mu ga ŋun. Uwumbɔr kpa ŋitimbol ngbaan pu tibɔr. U ga ji unii mɔmɔk tibɔr le ki ku bibiindam na. Uwumbɔr le len kina.’”

Jeremia 34:4

Sedekia, li pel maah kpa saabɔr ti m len na. Baan ku si butɔb ni.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Jeremia 5:4

Le m nan dak ke, “Binib bee ye bigiim ni maanyidam la. Bi tun kijɔrk aatuln la; baa nyi Baawumbɔr aah gee pu na, baa nyi Uwumbɔr aah ban bi tun pu na.

Jeremia 51:5

Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Esekiel 16:35

Jerusalem aatiŋ, sin udagoor, li pel Uwumbɔr aah bi len pu na.

Hosea 12:2

Uwumbɔr kpa Juda aanib pu ngalm, le ki ga daa Israel aatiŋ aatafal, kaanib aatuln pu. U ga giin baah tun pu na le pa bi.

Hosea 12:3

Biyaaja Jakob ni ujaantɔ Esɔ nan mɔn, bi mɔmɔk bilee aah nan laa bi bina aaponn ni pu na; le Jakob aah nan chikr na, le u ni Uwumbɔr mɔn,

Hosea 5:1

“Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Joel 1:2

Li pel mbamɔm man, nimi bininkpiib, ni binib bi mɔmɔk bi Juda aatiŋ ni na, ni li pel. Naah fii ki pii nitetiib ni nimi aayoonn na, tiwan nimina aaboln kee ŋa ni kan ni ii?

Amos 3:1

Israel yaab, linibomɔln li Uwumbɔr nyan li Ijipt aatiŋ ni na, li pel man nimi aabɔr ti u len na.

Amos 7:16

Kina pu na, li pel Uwumbɔr aah len pu dandana wee na. Aa bui ke m di cha libɔnabr ki taa ki mooni tibɔbir Israel aanib pu.

Maika 6:2

Nimi ŋijoo, nimi n‑yoonn mu kaa kpa ndoon na aatinyik, li pel Uwumbɔr aabɔr man. Uwumbɔr ni waanib le kpa tibɔr. U ban ke u joo ni ngalm Israel aanib pu la.

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

Tibɔkpiirkaan 2:11

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na aan kan lelee aakun.

Tibɔkpiirkaan 2:29

“U kpa litafal na kan, u ŋun Uwumbɔr Aafuur Nyaan aah tuk maanib pu na.