Hosea 3:4 - Uwumbɔr aagbaŋ

⁴ Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Hosea 3:4 ပူးပေါင်းရင်းမြစ်များ

Mpiin 31:19

Labann nan buen waawakor chee timoor ni, u ti chee waapiih aakor pu, le waah kaa bi buyoonn na, Rachel sun waawaa ŋi nan bi lichiln ni na.

Mpiin 31:34

Rachel le nan yoor ŋiwaa ngbaan ki di bɔr laakumii aajal taab, waadiik ni, le ki kal li pu. Le Labann nan biln kidiik ponn ni, ni kookoo, kaa kan ŋi.

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

2 Bibɔrb 23:24

Ubɔr Josia nan nyan Jerusalem aatiŋ ni, ni Juda aatim mɔmɔk ni, binib bi mɔmɔk bui ke bi ŋun bitekpiib aaliin na, ni bibɔɔb mɔmɔk, ni ŋidichal aawaa, ni ŋiwaa mɔmɔk, ni ŋiwaa aadoon mɔmɔk, ke u kan nsan aan ikaal i ŋmee kigbaŋ ki Utotoorninkpel Hilkia nan kan Uwumbɔr Aadichal ni na tun lituln.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Nnyam 28:4

Tuk bi ke bi ŋal kikekengeŋ ki ŋeer ubiŋ pu, ki ŋal libɔkul li kaa kpa iŋaal na, ni kikpalk nyaan, ni kibɔkugeŋ ki bi di seerkaa gbaŋ ki na, ni kiyikpupuk, ni kikekengeŋ ki bi joo buu kichaŋ ni na. Bi ŋal bitotoorb aawanpeenkaan aawan nimina mɔmɔk ki tii aakpel Aaronn ni ujapɔtiib, nima kan, bi ga li ye binib bi toor kitork tii mi na.

Nnyam 28:6

“Bi di tikokonbɔnn, ni nsiin, ni timann, ni salmaa aakokonn, ni ŋitanyaan, ki di ŋa libɔkul li kaa kpa iŋaal na, ki gbaŋ mann goln ŋimɔgben mɔmɔk.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 19:14

Mmii nan gaa bu aasupuul. Mmii wun bu aapan ni ŋisubil. Ŋipan ngbaan aan ki pɔɔk daalbaadaal, kaan ki ŋmaa ŋa bibɔrb aajaangbeedabil. Mpombiin aalahn sɔ; bi gaa mu, le ki gir gaa.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Esekiel 21:21

Ubɔr ngbaan ga ti sil isayakr ngbaan. U ga dam tibɔɔr aapiin, ki baa waawaa chee, ki lik baah kɔr kiwakork ki na aapɔɔl, le ki bee waah ga dii nsan mu na.

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Hosea 13:10

Ni nan bui ke ni ban ubɔr ni bisalolm la; tɔ, bi ga ŋa kinye ki gaa litimbol ngbaan lii?

Hosea 13:11

Maaŋuul ponn ni le m nan tii nimi bibɔrb, le maaŋuusakpeln ni m nan ki gaa bi.

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.

Liifai Yaab 8:7

U nan di utotoor aabɔkul, ni kikpalk peen Aaronn, ki di kikekengeŋ buu uchaŋ ni, le ki di libɔkul li kaa kpa iŋaal na mu peen u, ki di laagbapapaln mu buu uchaŋ ni.

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Jɔnn 19:15

Le bi teen, “Nyan u nima, nyan u nima, kpaa u ndɔpuinkoo pu.” Le Pailat baa bi, “M di nimi aabɔr kpaa ndɔpuinkoo pu uu?” Le Uwumbɔr aatotoorninkpiib bui u, “Taa ki kpa ubɔr ubaa ki kpee Siisa pu.”

Hiibru Yaab 10:26

Tɔ, unii yaa gaa Uwumbɔr aabɔr ki nyi waah ban pu na, ki yaa ki yii ki tun titunwanbir kigaak pu kan, kitork kibaa aa ki bi ki ga cha Uwumbɔr di cha pinn u.

Bibɔjirb 17:5

Maika ngbaan nan gur kpa kiwaadiik la. U nan ŋa ŋiwaa ŋibaa, ni utotoor aabɔkugeŋ le ki di ujapɔɔn ubaa ŋa waatotoor.

Bibɔjirb 18:14

Nima le bijab biŋmu bi nan chuun lik kitiŋ ki mann goln Lais aatiŋ na bui biŋeen aatɔtiib ke, “Ni ba nyi ke liwaal bi lidichal libaa ponn ni do aan bi di tikunabr boon li ii? Ŋiwaa ŋiken ni utotoor aabɔkugeŋ mu bi. Ni dak ke ti ga ŋa kinye?”

Bibɔjirb 8:27

Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.

1 Samuel 14:3

Tɔ, utotoor u nan joo tiwan ni bi joo beer Uwumbɔr aageehn na nan ye Ahija, u aate nan ye Ikabod aakpel Ahitub na. Ahitub aate le nan ye Fineas, le uyaaja ye Eli, Uwumbɔr aatotoor u nan bi Silo aatiŋ ni na. Unii ubaa aa nan nyi ke Jonatann siir.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 21:9

Ahimelek nan kii u ke, “M kpa Filistia aanii Goliaf, u aa nan ku u Ela Aafataŋ ni na le aajaak aajuk do. Ki poo likekeln ni, ki tii tab utotoor aabɔkul na aapuwɔb. Aa yaa gee ki kan, yoor ki, kima baanja le bi do.” Le David bui u ke, “Di ki tii mi. Kibaa aa ki bi nibaa chee ki jer ki.”

1 Samuel 22:18

Le Sɔɔl bui Doeg ke, “Sin, ku bi.” Le Doeg ku bi mɔmɔk. Liyaadaal ngbaan u nan ku bitotoorb bi nan ŋeer ke bi peen utotoor aabɔkul na imonko inaa ni biŋmu la.

1 Samuel 23:6

Tɔ, Ahimelek aajapɔɔn Abiatar aah nan san ŋmar ki buen David chee na, u nan joo tiwan ni bi joo beer Uwumbɔr aageehn na ubaa chee.

1 Samuel 23:9

David aah ŋun ke Sɔɔl bi kpokl ke u nan tak u na, le u bui utotoor Abiatar ke, “Li joo ni tiwan ni bi joo beer Uwumbɔr aageehn na do.”

1 Samuel 30:7

Le u bui utotoor Abiatar, u ye Ahimelek aajapɔɔn na ke, “Ti li joo ni tiwan ni bi joo beer Uwumbɔr aageehn na,” Le Abiatar ti joo ni ni.